ទូរទស្សន៍ជាតិកម្ពុជា ស្នើដល់សមត្ថកិច្ចចាត់វិធានការ និងបិទGroup«ទទក-TVK2»
- Details
- Category: National News
រាជធានីភ្នំពេញ ៖ អគ្គនាយកដ្ឋានទូរទស្សន៍ជាតិកម្ពុជា នៅថ្ងៃទី៣០ មីនា ២០២១នេះ បានប្រកាសបដិសេធទាំងស្រុង ចំពោះក្រុម Group ហ្វេសប៊ុកមួយឈ្មោះថា «ទទក-TVK2» ហើយមិនទទួលខុសត្រូវរាល់ការផ្សព្វផ្សាយព័ត៌មានទាំងអស់នៅក្នុងក្រុមនេះឡើយ និងសូមស្នើដល់សមត្ថកិច្ចជំនាញចាត់វិធានការតាមច្បាប់ផងដែរ ។
កន្លងមក អគ្គនាយកដ្ឋានទូរទស្សន៍ជាតិកម្ពុជា សង្កេតឃើញថា មានបុគ្គល ឫក្រុមមួយ បានលួចបង្កើត Group ទទក-TVK2 ដោយប្រើប្រាស់ឡូហ្គោ ទទក ហើយផ្សព្វផ្សាយដំណឹងមិនពិត មានលក្ខណៈ ញុះញុង ធ្វើឲ្យសាធារណជន ភ័ន្តច្រឡំថា ជាការផ្សព្វផ្សាយរបស់អគ្គនាយកដ្ឋានទូរទស្សន៍ជាតិកម្ពុជា ។
អាស្រ័យហេតុនេះ អគ្គនាយកដ្ឋានទូរទស្សន៍ជាតិកម្ពុជា សូមប្រកាសបដិសេធទាំងស្រុងចំពោះ Group ទទក-TVK2 និងមិនទទួលខុសត្រូវរាល់ការផ្សព្វផ្សាយ ព័ត៌មានទាំងអស់នៅក្នុង Group នេះឡើយ ។
អគ្គនាយកទូរទស្សន៍ជាតិកម្ពុជា សូមស្នើដល់សមត្ថកិច្ចជំនាញមេត្តាចាត់វិធានការ បិទ Group ទទក-TVK2 នេះ ៕
ដកស្រង់ពី៖ កោះសន្តិភាព