លោកហ៊ុន ម៉ានី ៖ យុន្ធាការចាក់វ៉ាក់សាំងតំបន់បិទខ្ទប់របស់រាជរដ្ឋាភិបាលនឹងបញ្ចប់ព្រឹត្តិការណ៍សហគមន៍២០កុម្ភៈ
- Details
- Category: National News
រាជធានីភ្នំពេញ ៖ លោក ហ៊ុន ម៉ានី តំណាងរាស្ត្រមណ្ឌលកំពង់ស្ពឺបានបញ្ជាក់ថា យុន្ធាការចាក់វ៉ាក់សាំងតំបន់បិទខ្ទប់របស់រាជរដ្ឋាភិបាលនឹងឈានបញ្ចប់ព្រឹត្តិការណ៍សហគមន៍២០កុម្ភៈ ។
លោក ហ៊ុន ម៉ានី បានសរសេរលើបណ្តាញសង្គម នៅថ្ងៃទី២៩ មេសា ឆ្នាំ២០២១ ការមកដល់ជាបន្តបន្ទាប់ នៃវ៉ាក់សាំងបង្ការជំងឺកូវីដ ១៩ តាមរយៈការបញ្ជាទិញក៏ដូចជា
តាមរយៈយន្តការជំនួយនានា ជាពិសេសពីរដ្ឋាភិបាលចិនបានឆ្លុះបញ្ចាំងពីកិច្ចសហប្រតិបត្តិការអន្តរជាតិល្អ របស់រាជរដ្ឋាភិបាលនិយាយជារួម និងចំណងមិត្តភាពដែកថែបរវាងកម្ពុជា និងចិន និយាយដោយឡែកដែលយន្តការនេះបាន និងកំពុងចូលរួមចំណែកយ៉ាងសំខាន់ក្នុងការទប់ស្កាត់ការរីករាលដាលនៃជំងឺកូវីដ១៩ នៅក្នុងសហគមន៍។
លោកបញ្ជាក់ថា ទន្ទឹមនឹងការមកដល់នៃវ៉ាក់សាំងនេះ រាជរដ្ឋាភិបាលមិនបង្អែរបង្អន់យូរឡើយ ដោយបានធ្វើការកំណត់គោលដៅអាទិភាពផ្តល់ជូនប្រជាពលរដ្ឋក្នុងតំបន់ដែលប្រឈមខ្ពស់ ជាពិសេស គឺប្រជាពលរដ្ឋក្នុងតំបន់ក្រហមនៃភូមិសាស្ត្រដែលកំពុងស្ថិតក្រោមការបិទខ្ទប់ ។
យន្តការដ៏ត្រឹមត្រូវទាំងនេះពិតជាបានផ្តល់នូវទំនុកចិត្តដល់ប្រជាពលរដ្ឋចំពោះសមត្ថភាពដឹកនាំ និងគ្រប់គ្រងស្ថានការណ៍ប្រទេសជាតិ» ។
លោកថា៖«យើងសង្ឃឹមថា តាមរយៈកិច្ចខិតខំប្រឹងប្រែងដ៏មមាញឹករបស់រាជរដ្ឋាភិបាល រួមជាមួយការចូលរួមពីសំណាក់ប្រជាពលរដ្ឋក្នុងការទទួលវ៉ាក់សាំងនឹងជួយឱ្យយុទ្ធនាការប្រយុទ្ធនឹងជំងឺកូវីដ ១៩ ទទួលបានជោគជ័យឈានទៅបញ្ចប់ព្រឹត្តិការណ៍ឆ្លងសហគមន៍ដ៏អាក្រក់នេះបានកាន់តែឆាប់» ៕
ដកស្រង់ពី៖ កោះសន្តិភាព