អ្នកគាំទ្រព្រួយបារម្ភពេលឃើញ Yang Mi ស្គមដល់ថ្នាក់ប្រើឃ្នាបគាបខោអាវ តែនៅសម្រកគីឡូ
- Details
- Category: Other News
ជាមួយនឹងគីឡូ ៤៤គីឡូ កំពូលតារាសម្ដែងស្រីចិន Yang Mi ត្រូវប្រើឃ្នាបក្រដាសដើម្បីគាបរ៉ូប ឲ្យចេញរាង ដ្បិតនាងមានរាងស្គមខ្លាំងពេក។
ត្រូវបានចាត់ទុកថាជាតារាដែលមានរាងស្គមជាងគេក្នុងវិថីសិល្បៈចិន តារាសម្ដែងស្រីជួរមុខចិន Yang Mi ត្រូវបានមិត្តៗនារីស្ញប់ស្ញែងជាខ្លាំងដោយសារមានរាងដូចកំពូលម៉ូដែល។ មិនថានៅក្នុងកម្មវិធីណាក៏ដោយ ស្រីស្អាតវ័យ៣៣ឆ្នាំ តែងបង្ហាញខ្លួនជាមួយរង្វង់ចង្កេះអង្ក្រង និងជើងស្រឡូនជានិច្ច។
ដើម្បីទទួលបានរាងដូចនេះ អ្នកម្ដាយកូន១ត្រូវប្រើវិធីសាស្ត្រច្រើនដើម្បីរក្សារាងមួយក្ដាប់នេះ។ យ៉ាងណាក្ដី ប៉ុន្មានឆ្នាំចុងក្រោយនេះ អ្នកគាំទ្របានសង្កេតឃើញថា តួរឿង និស្ស័យស្នេហ៍ទេវតា៣ជាតិ កំពុងសម្រកគីឡូជ្រុលដែលធ្វើឲ្យនាងមើលទៅដល់ថ្នាក់ស្គមស្គាំង។ ជាក់ស្ដែង មុននេះបន្តិច Yang Mi បានបង្ហើបឲ្យដឹងថា គីឡូបច្ចុប្បន្នរបស់នាងគឺ៤៤គីឡូ ជាមួយកម្ពស់ ១,៦៨ម។
ដោយសារមានទម្ងន់បែបនេះ បានធ្វើឲ្យនាងត្រូវប្រើឃ្នាបក្រដាសមកគាបរ៉ូបនៅពេលថតរូបឲ្យទស្សនាវដ្ដីមួយ។ តាមសម្ដីជំនួយការរបស់ស្រីស្អាតកើតឆ្នាំ១៩៨៦ តាមពិតរ៉ូបនេះបានត្រៀមយូរមកហើយ តែដោយសារមានវីរុសកូវីដ១៩នោះ ទើបត្រូវផ្អាកថតរូបសិន។ គេមិននឹកស្មានទេថា អំឡុងពេលនៅផ្ទះ គ្មានអ្នកណាដឹងឡើយថា នាងបានសម្រកគីឡូជាងមុនទៀត ទើបធ្វើឲ្យរ៉ូបនេះរលុង លែងត្រូវនឹងរាងរបស់ស្រីស្អាតរូបនេះ។
គួរបញ្ជាក់ផងដែរថា គីឡូ៤៤នេះមិនមែនគីឡូដែលទាបជាងគេរបស់ Yang Mi ឡើយ ដោយធ្លាប់មានពេលមួយ តារាស្រីរូបនេះមានទម្ងន់ត្រឹមតែ៣៨គីឡូប៉ុណ្ណោះ៕
ដកស្រង់ពី៖ Sabay