Lexus ចេញឡាន GS ម៉ូដែលពិសេសចុងក្រោយ មុនឈប់ផលិត
- Details
- Category: Other News
Lexus បានបញ្ចេញរថយន្ត GS ម៉ូដែលពិសេសហៅថា Eternal Touring ដែលជាម៉ូដែលចុងក្រោយបង្អស់របស់ត្រកូលមួយនេះ ក្រោយប្រកាសឈប់ផលិតម៉ូដែល GS នៅក្នុងខែសីហា ឆ្នាំ២០២០ ខាងមុខ។
រថយន្ត Lexus GS Eternal Touring មានប្រភេទម៉ាស៊ីនដូច GS450h, GS350, GS300h និង GS300 ដែរ ហើយត្រូវបានផលិតផ្អែកតាមម៉ូដែល F Sport។ផ្នែកខាងក្រៅ GS Eternal Touring មានលេងតួខ្លួនពណ៌ខ្មៅ ដូចជា ប៉ាណាមុខ, កាងមុខចំហៀង, គម្របកញ្ចក់, កាងកន្ទុយត្រីខាងក្រោយ និងយ៉ាន់ F Sport អាលុយមីញ៉ូម ១៩អ៊ីងពណ៌ខ្មៅ ផងដែរ។ក្រៅពីនោះ រថយន្ត Sedan ប្រណីតរបស់ជប៉ុននេះ មានបំពាក់មុខងារដូចជា កញ្ចក់ចំហៀងចុចមានមុខងារកម្តៅ, ចង្កៀងមុខ LED, អំពូលស៊ីញ៉ូ LED, ពូកស្បែក F Sport មានមុខងារបញ្ចេញខ្យល់ និងកម្តៅ, សេនស័រចូលចត និង Blind Spot Monitor។
គួរឲ្យដឹងថា រថយន្ត Lexus GS Eternal Touring នឹងមានលក់នៅក្នុងប្រទេសជប៉ុន នាថ្ងៃទី១ ខែមិថុនា ឆ្នាំ២០២០ ជាមួយនឹងតម្លៃចាប់ពីខ្ទង់ ៦៥ ៩២៥ដុល្លារ សម្រាប់ប្រភេទ GS300 Eteranl Touring (Base Model)៕
ដកស្រង់ដោយ៖sabsay