ស្ដាយណាស់! ទំនាក់ទំនងAlek និង Toey ពេលនេះប្ដូរពីស្នេហា មកជាមិត្តធម្មតាវិញហើយ
- Details
- Category: Other News
ជារឿងភ្ញាក់ផ្អើលមួយទៀត ដែលបានផ្ទុះឡើងក្នុងពិភពសិល្បៈថៃ នោះគឺពេលដឹងថាពេលនេះ Alek Teeradetch និង Toey Jarinporn ពេលនេះលែងជាគូស្នេហ៍នឹងគ្នាហើយ។
ទំនាក់ទំនងស្នេហារបស់តារាប្រុសស្រីរបស់ប៉ុស្តិ៍លេខ៣ថៃ ១គូនេះ បានធ្វើឲ្យមហាជនមានការសង្ស័យ និងកត់សម្គាល់ថា ថ្មីៗនេះដូចជាមិនសូវជាស្និទ្ធស្នាលដូចកាលពីមុន។ អ្វីៗកាន់តែច្បាស់នៅពេល Alek បានជួប និងផ្ដល់បទសម្ភាសជាមួយនឹងវិបសាយ Dara Daily ដោយលោកបានបញ្ជាក់ថា លោក និង Toey បានព្រមព្រៀងគ្នាប្ដូរពីសង្សារមកជាមិត្តនឹងគ្នាវិញហើយ។
មូលហេតុក៏ព្រោះតែ នៅពេលដែលពួកគេនៅទាក់ទងស្រឡាញ់គ្នា វាមានរឿងច្រើនណាស់ ដូចនេះពួកគេក៏ពិភាក្សាគ្នា ថាគួរដើរផ្លូវនេះ ហើយពេលនេះពួកគេក៏កាត់បន្ថយក្ដីស្រឡាញ់បែបស្នេហាដែលធ្លាប់មានឲ្យគ្នា ប៉ុន្តែនៅតែស្រឡាញ់រាប់អានគ្នា។
អ្វីដែលសំខាន់ Alek បានលើកឡើងដែរថា ចាត់ទុកថាជាសំណាងល្អ ព្រោះពួកគេនៅតែសួរសុខទុក្ខជារាល់ថ្ងៃ និងគាំទ្រលើកទឹកចិត្តគ្នាទៅវិញទៅមកដដែល ប៉ុន្តែទំនាក់ទំនងឈានដល់ផ្លូវនេះ ទាំង Alek និង Toey ក៏សោកស្ដាយដែរ។ តារាប្រុសរូបនេះថែមទាំងបាននិយាយដែរថា សម្រាប់ពេលវេលាដែលចំណាយរួមគ្នាកន្លងមក លោកនិង Toey រៀនពីគ្នាបានច្រើន ហើយក៏សប្បាយចិត្ត និងចាត់ទុកថាពេលវេលាទាំងនោះមានតម្លៃបំផុត៕
ដកស្រង់ពី៖ Sabay