សង្ស័យថាស្មាតហ្វូនដែលបំពាក់ឈីប Snapdragon 898 មុនគេ អាចជា Xiaomi
- Details
- Category: Other News
តាមរយៈទិន្នន័យនៃការធ្វើតេស្តឈីប Snapdragon 898 ដែលបានលេចធ្លាយលើបណ្តាញអនឡាញ គេជឿជាក់ថា ស្មាតហ្វូនមុនគេដែលបំពាក់ឈីបនេះ អាចជា Xiaomi 12 ដែលក្រុមហ៊ុនគ្រោងនឹងប្រកាសចេញនៅអំឡុងខែធ្នូឆ្នាំ២០២១ខាងមុខ។
បន្ទាប់ពីធ្វើតេស្តរួច ឈីបជំនាន់ក្រោយបំផុតរបស់ក្រុមហ៊ុន Qualcomm មួយនេះ ត្រូវគេដឹងថា ទទួលបានពិន្ទុ Benchmark ខ្ពស់ជាង Snapdragon 888 ប្រហែល១៥% និងខ្ពស់ជាង Snapdragon 888+ ប្រហែល ៥%។ ក្នុងការបំពាក់នៅលើស្មាតហ្វូន ឈីប Snapdragon 898 ត្រូវដំណើរការជាមួយ CPU ប្រភេទ octa-core (3.0 GHz Cortex-X3 & 3x 2.5GHz Cortex-A710) រួមជាមួយនឹង GPU Adreno 730។
វាមិនមែនជារឿងគួរឱ្យភ្ញាក់ផ្អើលនោះទេ ដែលស្មាតហ្វូន Xiaomi បំពាក់ឈីបថ្មីមុនគេបែបនេះ។ តួយ៉ាងស្មាតហ្វូន Xiaomi mi 11 ក៏ជាស្មាតហ្វូនមុនគេដែលប្រើឈីប Snapdragon 888 ដែលប្រកាសចេញកាលពីខែធ្នូ ឆ្នាំ២០២០ផងដែរ។
ក្រៅពីការបំពាក់ឈីប Snapdragon 898 ស្មាតហ្វូន Xiaomi 12 ត្រូវបានជឿជាក់ថា នឹងមកជាមួយអេក្រង់កោង ល្បឿន 120Hz មាន len ទម្លុះអេក្រង់ដែលជាកាមេរ៉ាសែលហ្វី ។
ឯកាមេរ៉ាខាងក្រោយ អាចនឹងមានទំហំ 50MP ដែលប្រើប្រាស់សេនស័រ ISOCELL HP1 របស់ Samsung។ វានឹងមាន RAM 16GB និងអង្គផ្ទុកទិន្នន័យទំហំ 1T ទៀតផង៕
ដកស្រង់ពី៖sabay