Beat The Best រកឃើញបេក្ខភាពបន្តទៅវគ្គផ្ដាច់ព្រ័ត្រស៊ីសាច់ហុតឈាមសប្ដាហ៍ចុងក្រោយ
- Details
- Category: Other News
ក្នុងសប្ដាហ៍ថ្មី កម្មវិធី Beat The Best កាន់តែក្ដៅហើយ ស្របពេលឈានដល់វគ្គពាក់កណ្ដាលព្រ័ត្រ ហើយក្រោយប្រកួតគ្នាយ៉ាងស្វិតស្វាញ កម្មវិធីក៏បានរកឃើញជើងខ្លាំងអាចបន្តទៅវគ្គផ្ដាច់ព្រ័ត្រដែរ។
បេក្ខភាពដែលមានមុខប្រកួតនៅក្នុងកម្មវិធី វគ្គពាក់កណ្ដាលផ្ដាច់ព្រ័ត្រមាន៖ អ៊ីម ថៃ សួ វិចិត្រ ឈាន ជាលឿយ អេន ប៊ុនរ៉ុង កែវ វល័ក្ខ និង ពេជ្រ ម៉េងលី។ ប៉ុន្តែក្រោយពីប្រកួត រយៈពេល ៣ម៉ោង កាលពីយប់ថ្ងៃទី ២០ ខែកុម្ភៈ ឆ្នាំ២០២២ Beat The Best ក៏បានរកឃើញជើងខ្លាំងដែលត្រូវប្រកួតបញ្ចប់នៅវគ្គផ្ដាច់ព្រ័ត្រនៅសប្ដាហ៍នេះ។
អបអរសាទរ សម្រាប់អ្នកដែលមានឈ្មោះទៅបន្តមាន: សួ វិចិត្រ ឈាន ជាលឿយ ពេជ្រ ម៉េងលី អ៊ីម ថៃ ចំណែក អេន ប៊ុនរ៉ុង និង កែវ វល័ក្ខ មិនអាចបន្តទៅមុខបានទេ។ រង់ចាំទស្សនាបន្តថា ក្នុងចំណោមអ្នកដែលជោគជ័យទៅវគ្គផ្ដាច់ព្រ័ត្រទាំង ៤ តើអ្នកណានឹងឈ្នះក្លាយជាម្ចាស់ពាន Beat The Best?
ដកស្រង់ពី៖Sabay