ក្រុមហ៊ុន Honda ចេញលក់ជាផ្លូវការម៉ូតូ SCOOPY ជំនាន់ថ្មីពីរស៊េរីឆ្នាំ ២០២២
- Details
- Category: Other News
ក្រុមហ៊ុន អិន ស៊ី អិច ដែលជាក្រុមហ៊ុននាំចូលនិងចែកចាយផ្តាច់មុខនូវផលិតផលរបស់ Honda ជាច្រើនប្រភេទដើម្បីបំពេញរាល់សេចក្តីត្រូវការរបស់អតិថិជននៅក្នុងព្រះរាជាណាចក្រកម្ពុជា ប្រកបដោយគុណភាពខ្ពស់ និងបច្ចេកវិទ្យាឈានមុខគេរួមមានដូចជា៖ ម៉ូតូ Honda រថយន្ត Honda និងម៉ាស៊ីនកសិឧស្សាហកម្ម Honda ជាដើម។
ដើម្បីឆ្លើយតបទៅនឹងតម្រូវការ ក៏ដូចជាការទន្ទឹងរង់ចាំពីសំណាក់អតិថិជនជាច្រើននៅទូទាំងប្រទេស។ នៅថ្ងៃទី ១ ខែមេសាឆ្នាំ២០២២ ក្រុមហ៊ុនបានចេញលក់ជាផ្លូវការម៉ូតូម៉ាក Honda New SCOOPY ស៊េរីថ្មីក្រោមគំនិតច្នៃប្រឌិត *#THE FASHIONOLOGY បង្ហាញពីភាពស៊ីវិល័យ បែបទំនើប សាកសមឥតខ្ចោះសម្រាប់យុវវ័យសម័យថ្មី រីឯការរចនាពិសេសនេះ សម្រាប់តែព្រះរាជាណាចក្រកម្ពុជាប៉ុណ្ណោះ។
សម្រាប់ New SCOOPY ជំនាន់ថ្មីទាំងពីរស៊េរី Honda បានបំពាក់ដោយបច្ចេកវិទ្យាទំនើបឈានមុខគេ ម៉ាស៊ីនបំពាក់ eSP ជាមួយនឹងប្រពន្ធ័បាញ់ប្រេង PGM-FI ដែលធ្វើឲ្យម៉ាស៊ីនមានចំហេះសព្វ ផ្តល់នូវអនុភាពខ្ពស់ ព្រមទាំងជួយសន្សំសំចៃប្រេងសាំង។ រីឯតួត្រូវបានអភិវឌ្ឍថ្មីបំផុតធ្វើឲ្យម៉ូតូកាន់តែមានសន្ទុះ បង្កើនតុល្យភាព និងងាយស្រួលគ្រប់គ្រងក្នុងការបើកបរ។
បើគិតដល់ភាពឡូយឆាយឥតទាស់នោះ ប្រាកដជាធ្វើឲ្យយើងគិតដល់ New Honda SCOOPY ស៊េរី Prestige ចង្កៀងមុខ រចនារាងជារង្វង់បំពាក់ LED ជំនាន់ថ្មី ភ្លឺច្បាស់ ផ្នែកខាងមុខនិងចំហៀង រំលេចដោយតែមថ្មី បង្កើតឡើងដោយសរសៃឆ្នូតពណ៌មាសបង្ហាញពីភាពប្រណិត កាន់ទាក់ទាញ ប្រកដោយកិត្យានុភាព។
កាន់តែរំជួលចិត្តជាមួយ New SCOOPY ស៊េរី CLUB12 បង្កើនភាពជឿជាក់របស់អ្នកបង្ហាញនូវស្ទាយដ៏លេចធ្លោបែប UNIQUE ជាមួយនិងបច្ចេកវិទ្យាទំនើបលើសគេដែលយុវវ័យក្នុងយុគសម័យថ្មី ប្រាថ្នាចង់បាន។
តែមថ្មី! រចនាបែបទំនើបទាន់សម័យដោយមាននិមិត្តសញ្ញា CXII ដោយផ្នែកកណ្តាលរចនាបែបប៊ូតុងជាមួយផ្ទៃពណ៌ខៀវ រំលេចជាមួយ Graphic QR CODE ដែលបង្ហាញពីការឆ្ពោះទៅកាន់យុគសម័យ បច្ចេកវិទ្យាបន្ថែមជាមួយ Smart Key USB Socket សាកសមឥតខ្ចោះជាមួយយុវវ័យសម័យឌីជីថល។
គួរបញ្ជាក់ផងដែរថា អតិថិជនទាំងអស់ ក៏អាចរកទិញបាននៅគ្រប់បណ្ដាហាងលក់ម៉ូតូហុងដាទាំងអស់ទូទាំងប្រទេសចាប់ពីថ្ងៃទី ១ ខែមេសាឆ្នាំ ២០២២ នេះតទៅ។
ដកស្រង់ពី៖sabay