ស្តាយណាស់!បទកំពុងល្បី«ផ្លូវទៅផ្ទះម៉ែក្មេក»Cover ដោយ មាស នីតា ពេលនេះសម្រេចលុបពីYouTube
- Details
- Category: Other News
ពិតជាគួរឲ្យសោកស្តាយខ្លាំងណាស់ បទចម្រៀង «ផ្លូវទៅផ្ទះម៉ែក្មេក» កំពុងល្បីរហូតទទួលបានអ្នកមើលច្រើនលើសលប់រហូតដល់១៦លានដង ដែលច្រៀងCover ដោយកញ្ញា មាស នីតា ពេលនេះត្រូវបានសម្រេចលុបចេញពីយូធូបហើយ។
ថ្មីៗនេះកញ្ញា មាស នីតា ដែលជាអ្នកច្រៀងCover បទ**«ផ្លូវទៅផ្ទះម៉ែក្មេក»** បានបង្ហោះសារសោកស្តាយជាពន់ពេកនៅលើគណនីហ្វេសប៊ុករបស់ខ្លួន ដោយបានបញ្ជាក់ច្បាស់ៗថា នាងពិតជាសោកស្តាយខ្លាំងណស់ ដែលក្រុមNeng Norng Music របស់នាង សម្រេចលុបបទចម្រៀងដែលនាងបានច្រៀងដោយCover បទ«ផ្លូវទៅផ្ទះម៉ែក្មេក» ដែលជាសំនៀងដើមរបស់កញ្ញា ថាន់ នឿថត ក្នុងផលិកម្ម HB Production។ ក្នុងនោះដែរនាងបានបញ្ជាក់បន្ថែមទៀតថា មូលហេតុដែលក្រុមរបស់នាងសម្រេចលុបបទនេះចេញពីYouTube ដោយសារមានការស្នើរសុំពីម្ចាស់ដើមឲ្យលុបបទនេះចេញ ។
ស្រីស្អាត មាស នីតា បានឲ្យដឹងទៀតថា ចាប់ពីពេលនេះទៅ អ្នកដែលគាំទ្រនាងទាំងអស់និងទទួលបាននូវអ្វីដែលថ្មីៗពីក្រុមរបស់នាង ហើយនាងនឹងឈប់ច្រៀងCover ចាប់ពីពេលនេះតទៅ។
ចំណែកអ្នកគាំទ្រជាច្រើនសោកស្តាយជំនួស នីតា យ៉ាងក្រៃលែង ដោយគ្រប់គ្នាបានលើកទឹកចិត្តនាង ហើយថែមទាំងនិយាយថា វាពិបាកដែរអូនបទម្ចាស់ដើមមិនល្បី ដល់គេ Coverល្បីជាងក៏វាបែបនឹងឯង ចំណែកអ្នកខ្លះទៀតនិយាយថា ចូលរួមសោកស្តាយផងIdol បទនិងបើសិនIdol មិនCoverទេ ក៏មិនល្បីដែរ៕
ដកស្រង់ពី៖Sabay