រូបភាពថ្មីរបស់ G-Dragon កាន់តែធ្វើឲ្យ Fan បារម្ភឡើងៗ
- Details
- Category: Other News
រូបភាពថ្មីៗរបស់ G-Dragon ទើបបានបង្ហោះកាលពីពេលថ្មីៗនេះ បានបង្កជាការបារម្ភសម្រាប់អ្នកគាំទ្របំផុត ព្រោះគ្រប់គ្នាមិនស្មានថាលោកប្រែរាងដល់ថ្នាក់នេះ។
សមាជិក BIGBANG រូបនេះបានបង្ហោះរូបលើ Instagram នៅថ្ងៃទី០៦ ខែឧសភានេះ។ អ្វីដែលបានបង្ហាញនេះទៀតសោត ធ្វើឲ្យគ្រប់គ្នាដឹងថា លោកបានចូលរួមក្នុងកម្មវិធី Fashion ២០២២/២០២៣ របស់ Chanel ដែលរៀបចំឡើងនៅក្នុងរដ្ឋធានី Amsterdam ប្រទេសហូឡង់។
ទោះជាត្រជាក់ភ្នែក ជាមួយនឹង Style ដែល G-Dragon ស្លៀកបង្ហាញ ប៉ុន្តែគ្រប់គ្នាសង្កេតឃើញថារាងកាយរបស់លោកហាក់ដូចជាខ្សោយ មិនរឹងមាំ ឬលះដូចមុនទេ។
ពីក្រោមរូបទាំងនោះមានតែ Comment បញ្ជាក់ពីក្ដីបារម្ភ ដូចជា៖ «សូមញ៉ាំឲ្យបានច្រើនៗណា៎», «អ្នកមើលទៅដូចជាស្រកសាច់ខ្លាំងណាស់», «សូមថែសុខភាពឲ្យបានល្អណា៎» ជាដើម។ G-Dragon បានចេញពីប្រទេសកូរ៉េ និងធ្វើដំណើរទៅកាន់រដ្ឋធានី Amsterdam ដើម្បីចូលរួមកម្មវិធីរបស់ Chanel កាលពីថ្ងៃទៅ០៣ ខែឧសភា ហើយពេលបង្ហាញមុខលើកនេះ លោកទទួលបានការស្វាគមន៍យ៉ាងច្រើនពីអ្នកគាំទ្រ និងក្រុមអ្នកសារព័ត៌មាន៕
ដកស្រង់ពី៖Sabay