Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ចិន ព្រមានពីការវាយប្រហារនៃព្យុះទីហ្វុងទី៣ ក្នុងរយៈពេលត្រឹមតែ៣សប្តាហ៍

  • បោះពុម្ព

 អាជ្ញាធរឧតុនិយមចិន កាលពីថ្ងៃសៅរ៍ បានព្រមានពីការលេចរូបរាងឡើងនៃព្យុះត្រូពិច ឈ្មោះ ខានូន Khanun ដែលត្រូវបានរំពឹងថា នឹងប្រមូលផ្តុំកម្លាំងយ៉ាងឆាប់រហ័ស រហូតក្លាយជាព្យុះទីហ្វុង រួចហើយវាយ ប្រហារមកលើតំបន់ឆ្នេររបស់ប្រទេសចិន នៅសប្តាហ៍ខាងមុខនេះ។

ការព្យាករ បានបង្ហាញថា ព្យុះ Khanun ដែលឥឡូវស្ថិតនៅចម្ងាយប្រហែលជាង១,០០០គីឡូម៉ែត្រ ពីភាគខាងកើតនៃប្រទេសហ្វីលីពីន លើផ្ទៃមហាសមុទ្រប៉ាស៉ីហ្វិកនោះ ទំនងជានឹងធ្វើដំណើរទៅដល់ខេត្ត ចេជាំង ដែលស្ថិតនៅបណ្តោយឆ្នេរភាគខាងកើតចិន នៅថ្ងៃអង្គារសប្តាហ៍នេះ។

សូមបញ្ជាក់ថា ខណៈដែលតំបន់ភាគខាងលិចនៃមហាសមុទ្រប៉ាស៉ីហ្វិក កំពុងឈានដល់ពេលដែលសម្បូរព្យុះទីហ្វុងបំផុត គឺចន្លោះខែសីហា-កញ្ញា ក្រុមអ្នកវិទ្យាសាស្រ្ត បានព្រមានថា ព្យុះទាំងនោះ អាចនឹងកើតឡើងកាន់តែញឹកញាប់ និងកាន់តែកាចសាហាវ ដោយសារតែឥទ្ធិពលនៃការកើនឡើងកម្តៅភពផែនដី។

Khanun នឹងក្លាយជាព្យុះទីហ្វុងទី៣ ដែលវាយប្រហារលើប្រទេសចិន បន្ទាប់ពីព្យុះទីហ្វុង Doksuri ដែលបានមកដល់កាលពីថ្ងៃសុក្រកន្លង និងព្យុះទីហ្វុង Talim ដែលបានមកដល់កាលពីថ្ងៃទី១៧ ខែកក្កដា នេះបើតាមការផ្សាយរបស់ AFP កាលពីថ្ងៃអាទិត្យ ។