គន្លឹះខ្លីចំណេញខ្លាំង! វេរលុយឆ្លងធនាគារដោយមិនកាត់សេវា

សេចក្ដីលម្អិត

ជំពូក៖ ព័ត៌មានផ្សេងៗ

យើងធ្លាប់បង្ហាញគន្លឹះពី របៀបផ្ទេរប្រាក់ឆ្លងធនាគារដោយមិនអស់សេវា ម្ដងមកហើយ ប៉ុន្ដែថ្ងៃនេះយើងសូមណែនាំវិធីថ្មី តាមមុខងារ KHQR របស់ បាគង វិញម្ដងដែលមិនកាត់ថ្លៃសេវាដូចគ្នា។

ដោយសារធនាគារខ្លះមិនទាន់មាន KHQR ដូចនេះយើងសូមលើកយក ធនាគារ ABA ជាឧទាហរណ៍។ របៀបវេរលុយឆ្លងធនាគារតាម ABA មិនកាត់សេវា ដោយប្រើមុខងារ KHQR៖

ចូលមកកាន់ ABA > ចុចលើ KHQR នៅផ្នែលើបង្អស់ខាងស្ដាំ

បន្ទាប់មកបង្ហាញ QR Code មួយនេះ ទៅកាន់កម្មវិធីធនាគារដទៃដើម្បីស្គេន

ខ្ញុំសូមឧទារហរណ៍ដោយប្រើកម្មវិធី ធនាគារអេស៊ីលីដា ដើម្បីផ្ទេរចូល ABA

ចូលមកកាន់ កម្មវិធីធនាគារអេស៊ីលីដា > ទូទាត់តាម QR > បន្ទាប់មកវាយបញ្ចូលទឹកប្រាក់ ចុចយល់ព្រមជាការស្រេច

គួរបញ្ជាក់ថា ធនាគារជាសមាជិកបាគងមានច្រើនដូចជា ធនាគារអេស៊ីលីដា, ប្រាសាក់, វីង, ទ្រូម៉ាន់នី, កាណាឌីយ៉ា, វឌ្ឍនៈ... បើសរុបទៅមានលើស ៣០ស្ថាប័នឯណោះ៕

ដកស្រង់ពី៖Sabay