ស្ដ្រីថៃដែលជាប់ Guinness ជាយុវតីមានរោមច្រើនបំផុត ឥឡូវកោររោមមុខអស់ហើយ
- សេចក្ដីលម្អិត
- ជំពូក៖ ព័ត៌មានផ្សេងៗ
ស្ត្រីថៃម្នាក់ ដែលជាប់កំណត់ត្រា Guinness ជាយុវតីមានរោមច្រើនបំផុតលើលោកក្នុងឆ្នាំ ២០១០នោះ កាលពីពេលថ្មីៗនេះ បានបង្កជាភាពភ្ញាក់ផ្អើលដល់បណ្ដាសារព័ត៌មានក្នុងស្រុកថៃ បន្ទាប់ពីនាងបានបង្ហោះរូបថតមួយចំនួនបង្ហាញថាមុខនាងលែងមានរោមទៀតហើយ។
យុវតីរូបនេះ មានឈ្មោះ Supatra “Natty” Susuphan វ័យ ១៧ឆ្នាំ ដែលពីមុនមានរោមពេញមុខ រហូតដល់ជាប់កំណត់ត្រាពិភពលោក ក្នុងសប្ដាហ៍នេះ បានបង្ហោះរូបថតប៉ុន្មានសន្លឹកដែលបង្ហាញនាងគ្មានរោមពេញមុខទៀតនោះទេ។
តាមពិតទៅ Natty កើតជំងឺមួយឈ្មោះWerewolf Syndrome ដែលជំងឺនេះធ្វើឲ្យនាងដុះរោមច្រើនលើសលប់។ កាលពីនៅក្មេង នាងធ្លាប់បានសាកល្បងព្យាបាលតាមការបាញ់ឡាស៊ែរដែរ តែនៅតែមិនបានសម្រេច ព្រោះរោមចេះតែដុះមកវិញ។
ទាក់ទងនឹងរឿង Natty បាត់រោមមុខនេះ បើតាមសំដីឪពុកនាងថ្លែងប្រាប់សារព័ត៌មាន Morning News បានឲ្យដឹងថា កូនខ្លួនមិនទាន់រកឃើញវិធីព្យាបាលជំងឺរោមច្រើននេះនៅឡើយទេ។ លោកបានបញ្ជាក់ទៀតថា មុខនាងបាត់រោម ដោយសារតែនាងកោរកាលពីថ្ងៃច័ន្ទកន្លងទៅតែប៉ុណ្ណោះ៕
ដកស្រង់ពី៖Sabay