ទេសរដ្ឋមន្ត្រី ស៊ុន ចាន់ថុល ចុះពិនិត្យគម្រោងស្តារឡើងវិញ ផ្លូវជាតិលេខ៧ និងលេខ៧៣ ដើម្បីសម្រួលដល់ការដឹកជញ្ជូន និងធ្វើដំណើររបស់ប្រជាពលរដ្ឋ
- សេចក្ដីលម្អិត
- ជំពូក៖ ព័ត៌មានខេត្ត
លោកទេសរដ្ឋមន្ដ្រី ស៊ុន ចាន់ថុល រដ្ឋមន្ត្រីក្រសួង សាធារណការ និងដឹកជញ្ជូន បានដឹកនាំ គណៈប្រតិភូ ចុះត្រួតពិនិត្យ ការដ្ឋានផ្លូវ កំពុងជួសជុល ត្រង់ចំណុច ប្រសព្វ ផ្លូវជាតិលេខ៧ និងផ្លូវជាតិលេខ៧៣ PK ១៥៩-១៦០ + ៩០០ នៅតំបន់ទីប្រជុំជន ប្រធាតុ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ
និងត្រង់ចំណុច គីឡូម៉ែត្រ១៦៨ ឃុំក្រែក ស្រុកពញាក្រែក ខេត្តត្បូងឃ្មុំ ដែលកំណាត់ផ្លូវនេះ ត្រូវបានខូចខាត ដោយទឹកជំនន់ ហើយកំពុងត្រូវ បានជួសជុល ដោយមន្ទីរសាធារណការ និងដឹកជញ្ជូន ខេត្តត្បូងឃ្មុំ និងខេត្តក្រចេះ ។ ក្នុងឱកាសចុះ ពិនិត្យគម្រោង ស្ដារឡើងវិញនូវ ផ្លូវជាតិទាំងនោះ នៅថ្ងៃទី០៩ ខែមករា ឆ្នាំ២០១៧ម្សិលមិញ លោកទេសរដ្ឋមន្ត្រី ក៍បានចុះពិនិត្យ ការដ្ឋានធ្វើឲ្យប្រសើរឡើង ផ្លូវជាតិលេខ៧ ត្រង់ចំណុច PK ៣៣៥ (ខ្លាស្ទុះ) ដែលកំពុងជួសជុល ដោយក្រុមហ៊ុន Shanghai Construction Group Co., Ltd ដើម្បីធានាឲ្យបាន នូវគុណភាពប្រើប្រាស់ និងភាពយូរអង្វែង នៃសំណង់ផ្លូវថ្នល់ផងដែរ ៕