អ្នកណាមិនស្គាល់«យាយសក់សរ៉ាជង្រុក» ទំរាំគាត់ធ្លាក់ក្នុងអន្ទាក់ប៉ូលិស
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
ខេត្តបាត់ដំបង៖ ស្ត្រីវ័យជាង៧០ឆ្នាំម្នាក់សក់ស្កូវព្រោង ដែលពួកនិយមគ្រឿងញៀន ហៅយាយសក់ស ជារហស្សនាមដ៏ល្បីល្បាញបំផុត ជាមួយនឹងមុខរបរទុច្ចរិត «ជូញដូរគ្រឿង»នៅក្នុងស្ថានីយរថភ្លើងក្នុងក្រុងបាត់ដំបង នាពេលកន្លងមក តែពេលនេះត្រូវបានជាប់អន្ទាក់កម្លាំងផ្នែកប្រឆាំងគ្រឿងញៀន នៃអធិការក្រុងបាត់ដំបង កាលពីវេលាម៉ោង៣និង៣៥នាទីរសៀល ថ្ងៃទី២៧ មេសា ខណ:ដែលកំពុងប្រព្រឹត្តបទ ល្មើលនេះ នៅក្នុងភូមិកំពង់ក្របី សង្កាត់ស្វាយប៉ោ ក្រុងបាត់ដំបង។
អធិការដ្ឋាននគរបាលក្រុងបាត់ដំបង លោក ឆាង វណ្ណឆៃ បានឱ្យដឹងថា ស្ត្រីសក់សសំព្រូសរូបនេះឈ្មោះ វិន តឿ ហៅយាយតឿ ហៅយាយសក់ស អាយុ៧៤ឆ្នាំ រស់នៅក្នុងស្ថានីរថភ្លើង ស្ថិតក្នុងភូមិកំពង់ក្របី សង្កាត់ស្វាយប៉ោ ក្រុងបាត់ដំបង ។ គាត់មានប្រវត្តិធ្វើជំនួញគ្រឿងញៀនបំពានច្បាប់នេះ មានរយ:ពេលយូរក្រែលហើយ តែសមត្ថកិច្ចហាក់ចន្លោះប្រហោងក្នុងការរិះរកវិធីសាស្ត្រចុះបង្ក្រាប ។
បើទោះជាកម្លាំងជំនាញបានប្រើប្រាសស្ទើរគ្រប់និតិវិធីក្តី តែយ៉ាងណាពេលនេះយាយសក់ស បានចូលអន្ទាក់សមត្ថកិច្ចជាស្ថាពរហើយ ជាមួយនឹងវត្ថុតាងគ្រឿងញៀនដ៏ច្រើនគួរសមដែរ ។
ស្ត្រីវ័យ៧៤ឆ្នាំ ដែលមានសាវតាពិត ឈ្មោះ វិន តឿ។ អ្នកភូមិខ្លះហៅគាត់យាយតឿ តែអ្នកដែលនិយមគ្រឿងញៀនភាគច្រើន ដែលមានទំនាគ់ទំនងបទល្មើសគ្រឿងញៀនជាមួយស្ត្រ័វ័យចំណាស់ម្នាក់នេះ រួមទាំងសមត្ថកិច្ចបង្ក្រាបគ្រឿងញៀនផង បានហៅគាត់យ៉ាងរត់មាត់ថា «យាយសក់ស» ឬបន្ថែមពាក្យ«យាយសក់សរ៉ាជង្រុក»។
បើពិនិត្យលើស្ថានភាពកាយសម្បទារបស់យាយសក់ស រ៉ាជង្រុកនេះ គាត់ហាក់នៅមានសុខភាពមាំទាំល្អណាស់ ។មន្ត្រីជំនាញដែលតែងចិញ្ចឹមចិត្តរិះរកគ្រប់យុទ្ធសាស្ត្រ ដើម្បីចាប់ខ្លួនយាយសក់សនេះ បាននិយាយថា យាយសក់សនេះ មានប្រវត្តិជូញដូរគ្រឿងប្រចាំរ៉ាជង្រុកនេះយូរយាណាស់មកហើយ។
គាត់មានអាយុក៏ច្រើន រីឯកលល្បិចក្នុងការជំនូញគ្រឿងញៀនក៏ខ្ពស់ ទើបធ្វើឲ្យមន្ត្រីជំនាញជូបការលំបាកក្នុងការបង្ក្រាប។ ប៉ុន្តែយ៉ាងណាពេលនេះ យាយសក់ស បើទោះជាចេះមន្តអាគមន៍ ក៏គេចមិនរួចទៀតដែរ គាត់ជាប់អន្ទាក់សមត្ថកិច្ចហើយ។
លោកសុខ និមល នាយការិយាល័យប្រឆាំងបទល្មើសគ្រឿងញៀនបាននិយាយថា ស្ត្រីឈ្មោះ វិន តឿ ហៅ យាយតឿ ឬហៅ យាយសក់សនេះ ត្រូវបានកម្លាំងជំនាញចុះបង្ក្រាបបានពេលកំពុងប្រព្រឹត្តបទល្មើសជាក់ស្ដែង ។
លោកបានបញ្ជាក់ថា ជាមួយនឹងការចាប់ខ្លួនយាយសក់សរ៉ាជង្រុកដែលល្បីល្បាញនឹងមុខ ជំនូញគ្រឿងញៀននេះ មន្ត្រីជំនាញដកហូតបានវត្ថុតាងមូយចំនួន ។
ដូចជា ម្សៅក្រាមពណ៌សថ្លាច្រកក្នុងថង់ប្លាស្ទិកចំនួន០៤ថង់ ស្មើនឹងទម្ងន់ ១៦.៥៨ក្រាម ប្រអប់សម្រាប់ដាក់គ្រឿងញៀន និង កូនថង់សម្រាប់វិចខ្ចប់គ្រឿងញៀនមួយចំនួនទៀត។ ពេលនេះមន្ត្រីការិយាល័យជំនាញកំពុសកសាងសំណុំរឿងបញ្ជូនស្ត្រីរូបនេះនិងវត្ថុតាងទៅសាលាដំបូងខេត្តចាត់ការតាមនីតិវិធីហើយ៕
ដកស្រង់ពី៖កោះសន្តិភាព