ក្រោយទឹកជំនន់ស្រក អ្នកទោសត្រូវដឹកបញ្ជូនត្រឡប់មកវិញ
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
ខេត្តបន្ទាយមានជ័យ ៖ ក្រោយទឹកជំនន់ស្រកត្រូវបានបញ្ជូនអ្នកទោសមកដាក់ពន្ធនាគារខេត្តបន្ទាយមានជ័យនៅពេលជម្លៀសដាក់ពន្ធនាគារចំនួន៤ខេត្តដែលដឹកដាក់វិញនៅថ្ងៃទី១២ ខែវិច្ឆិកា ឆ្នាំ២០២០។
លោកឧត្តមអគារនុរក្សថ្នាក់លេខ២ អ៊ុង ស៊ីផាន ប្រធានពន្ធនាគារខេត្តបន្ទាយាមនជ័យបានប្រាប់ថា អ្នកដែលត្រូវបានជម្លៀសទៅផ្ញើពន្ធនាគារ៤ខេត្តត្រូវបញ្ជូនមកវិញហើយក៏មានវត្តមានឯកឧត្តម ឆែម សាវុធ អគ្គនាយក នៃអគ្គនាយកដ្ឋានពន្ធនាគារ ក្រសួងមហាផ្ទៃបានដឹកនាំមន្ត្រីអនុរក្សដើម្បីដឹកជញ្ជូនដាក់នៅពន្ធនាគារខេត្តបន្ទាយមានជ័យនៅពេលទឹកស្រកអស់។
លោកបានបញ្ជាក់ថាកាលពីថ្ងៃទី១៣ ខែតុលា ឆ្នាំ២០២០ កន្លងទៅដោយស្ថានភាពទឹកជំនន់បានជនលិចពន្ធនាគារខេត្តបន្ទាយមានជ័យ ដែលមានអាចដាក់អ្នកទោសបានហើយជាការណែនាំពីអគ្គនាយកនៃអគ្គនាយកដ្ឋានពន្ធនាគារបានសម្រេចបញ្ជូនអ្នកទោសជាងពាន់ និងស្រីជិតមួយរយនាក់ទៅដាក់នៅពន្ធនាគារចំនួន៤ខេត្តមាន ពន្ធនាគារខេត្តសៀមរាប ពន្ធនាគារខេត្តឧត្តរមានជ័យ ពន្ធនាគារខេត្តកំពង់ធំ និងពន្ធនាគារត្រពាំងប្លង់ខេត្តត្បូងឃ្មុំ។
លោកឧត្តមអគានុរក្សថ្នាក់លេខ២ អ៊ុង ស៊ីផាន បានបញ្ជាក់ថា ក្រោយដែលទឹកជំនន់ត្រូវបានស្រកអស់ក្នុងពន្ធនាគារខេត្តបន្ទាយមាន និងបរិវេណហើយមន្ត្រីអនុរក្សបានធ្វើការសម្អាតក្នុងពន្ធនាគារដើម្បីឲ្យមានផាសុកភាព ហើយអគ្គនាយកនៃអគ្គនាយកដ្ឋានពន្ធនាគារក្រសួងមហាផ្ទៃបានឲ្យដឹកជញ្ចូនអ្នកទោសត្រឡប់មកដាក់នៅពន្ធនាគារខេត្តបន្ទាយមានជ័យវិញ។
ដែលដឹកតាមដំណាក់គឺ ដឹកជញ្ជូនតាមរថយន្តក្រុងពីដឹកចេញមកដល់ដំបូងនៅម៉ោង៩ព្រឹកអ្នកទោសដឹកចេញពីពន្ធនាគារខេត្តសៀមរាប ហើយបន្តដឹកមកពីពន្ធនាគារខេត្តឧត្តរមានជ័យ និងពន្ធនាគារខេត្តកំពង់ធំអាចអំឡុងម៉ោង៣រសៀលមកដល់ ដែលដឹកមកពីពន្ធនាគារត្រពាំងប្លុងខេត្តត្បូងឃ្មុំ ដឹកឲ្យអស់ថ្ងៃនេះ។
កោតសសើរចំពោះកងកម្លាំងនគរបាលកម្លាំងកងរាជអាវុធហត្ថ និងកម្លាំងអនុរក្សពន្ធនាគារខេត្ត ដែលបានការពារសុវត្ថិភាពរហូតដឹកអ្នកទោសដាក់ពន្ធនាគារខេត្តបន្ទាយមានជ័យបានរួចរាល់និងសុវត្ថិភាពល្អ៕
ដកស្រង់ពី៖កោះសន្តិភាព