ប្តីចិត្តខ្លាំង! យកលុយ៦០០ដុល្លារមិនបាន ទាញកាបិតដេញកា.ប់ផ្អើលឆោឡោអ្នកជិតខាង
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ត្រូវបានកម្លាំងនគរបាលប៉ុស្តិ៍ទួលសង្កែ១ ឃាត់ខ្លួនពីបទប្រើហិ.ង្សាដោយចេតនា ដោយបានយកកាំបិតបុ័ងតោដេញកា.ប់ស្ត្រីជាប្រពន្ធ បន្ទាប់ពីខឹងគំរា.មយកប្រាក់ចំនួន៦០០ដុល្លារ មិនបានសម្រេច ។
ការឃាត់ខ្លួនលោកប្តីប្រើហិ.ង្សាខាងលើនេះ បានធ្វើឡើងកាលពីវេលាម៉ោង៩ព្រឹក ថ្ងៃទី២២ ខែមេសា ឆ្នាំ២០២១ នៅចំណុចផ្ទះលេខ៩G ផ្លូវ៩៩R ស្ថិតក្នុងភូមិទួលសង្កែ សង្កាត់ទួលសង្កែ១ ខណ្ឌឫស្សីកែវ។
ជនបង្កហិង្សាខាងលើឈ្មោះ លី គីមអេង ភេទប្រុស អាយុ៤២ឆ្នាំ ទីលំនៅកន្លែងកើតហេតុខាងលើ ត្រូវជាប្តី ចំណែកនារីរងគ្រោះឈ្មោះ ហ៊ិន សុធានី អាយុ៣៩ឆ្នាំ ត្រូវជាប្រពន្ធ។ តាមនគរបាលឱ្យដឹងថា នៅមុនពេលកើតហេតុ ជនសង្ស័យដែលជាប្តីបានចូលទៅក្នុងផ្ទះ រួចគំរា.មប្រពន្ធដើម្បីយកប្រាក់ចំនួន៦០០ដុល្លារ តែគេពុំដឹងថា យកប្រាក់នោះទៅធ្វើអ្វីនោះទេ ។
ខណៈពេលនោះ ស្ត្រីជាប្រពន្ធប្រាប់ថា គ្មានប្រាក់ទេ ស្រាប់តែជនសង្ស័យជាប្តីផ្ទុះកំហឹងខឹង ក៏បានទាញយកកាំបិតប៉័ងដេញកា.ប់ប្រពន្ធតែម្តង បង្កឱ្យមានការភ្ញាក់ផ្អើលឆោឡោដល់អ្នកជិតខាង។ ប្រភពដដែលបន្តថា ភ្លាមៗនោះ ត្រូវបានកម្លាំងនគរបាលដែលជិះល្បាតក្នុងមូលដ្ឋានជួយអន្តរាគមន៍ ហើយក៏បានឃាត់ខ្លួនជនបង្កហិ.ង្សាជាប្តីនោះតែម្តង។
ទោះបីជាយ៉ាងណា ជននោះពុំទាន់បង្កឱ្យមានរបួសឡើយ។ តាមនគរបាលឱ្យដឹងទៀតថា កាំបិតប៉័ងតោចំនួន២ដែលជាវត្ថុតាង ត្រូវបានសមត្ថកិច្ចដកហូត ចំណែកជនដែលប្រើហិ.ង្សាក៏ត្រូវបានសមត្ថកិច្ចបញ្ជូនទៅកាន់អធិការដ្ឋានខណ្ឌឬស្សីកែវ ដើម្បីចាត់ការតាមច្បាប់៕
ដកស្រង់ពី៖កោះសន្តិភាព