ឆ្លងចរន្តអគ្គិសនី ឆាបឆេះផ្ទះ ២ខ្នងខូចខាតទាំងស្រុង នៅខេត្តព្រះវិហារ
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
ករណីអគ្គីភ័យឆាបឆេះផ្ទះចំនួន ០២ខ្នង កាលពីវេលាម៉ោង១០ និង៣០នាទី ថ្ងៃទី១២ ខែធ្នូ ឆ្នាំ២០២១ ស្ថិតនៅចំណុចភូមិថ្នល់បែក ឃុំថ្មី ស្រុកគូលែន ខេត្តព្រះវិហារ បណ្ដាលឲ្យឆេះខូចខាតទាំងស្រុង ។
ម្ចាស់ផ្ទះឈ្មោះ ស៊ុន គឹមសៀន ភេទប្រុស អាយុ ៥៥ឆ្នាំ រស់នៅភូមិឃុំកើតហេតុខាងលើបានឲ្យដឹងថា ៖ មូលហេតុ នៃការឆេះបណ្ដាលមកពីឆ្លងចរន្តអគ្គិសនី ។ គ្រោះអគ្គិភ័យនេះ បណ្ដាលឲ្យឆេះ ផ្ទះទី១ ទំហំ៩គុណ១២ម៉ែត្រ ធ្វើអំពីឈើ ប្រក់ក្បឿង (ត្រូវបានឆេះខូចខាតទាំងស្រុង) ។ និងផ្ទះទី២ ទំហំ៥គុណ៦ម៉ែត្រ ធ្វើអំពីឈើ ប្រក់ស្បូវ (ត្រូវបានឆេះខូចខាតទាំងស្រុង) និងខូចខាតទ្រព្យសម្បត្តិ រួមមាន ៖ ស្រូវចំនួន ០៤តោន, លុយចំនួន ១០លានរៀល, ម៉ូតូចំនួន ០១គ្រឿង និងសម្ភារប្រើប្រាស់មួយចំនួនធំ ។ កម្លាំងអធិការដ្ឋាននគរបាលស្រុកគូលែន នៃស្នងការដ្ឋាននគរបាលខេត្តព្រះវិហារ បានប្រើប្រាស់រថយន្តអគ្គិភ័យ ០១គ្រឿង ប្រើប្រាស់ទឹកអស់ ០២រថយន្ត អន្តរាគមន៍ទប់ស្កាត់មិនឲ្យឆេះរាលដាល និងពុំបណ្ដាលឲ្យមានមនុស្សរងគ្រោះថ្នាក់ឡើយ ៕
ដកស្រង់ពី៖ កោះសន្តិភាព