នគរបាលខេត្ដត្បូងឃ្មុំឃាត់ជនសង្ស័យម្នាក់ពីបទមនុស្សឃាត
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
ខេត្ដត្បូងឃ្មុំ ៖ ជនសង្ស័យម្នាក់ត្រូវ បាននគរបាល ខេត្ដកំពង់ចាម ឃាត់ខ្លួនបាន កាលពីថ្ងៃទី១ ខែឧសភា ឆ្នាំ ២០១៥ នៅក្នុងផ្ទះរបស់ខ្លួន ស្ថិតក្នុងភូមិ ព្រៃទទឹង សង្កាត់-ក្រុងសួង ខេត្ដត្បូងឃ្មុំ ។
ជនសង្ស័យដែលត្រូវ បានឃាត់ខ្លួន ឈ្មោះ ណាំ ថាត ហៅភក្ដី ភេទប្រុស អាយុ៣៣ឆ្នាំ មុខរបរ កសិករ រស់នៅក្នុង ភូមិ-សង្កាត់កើតហេតុខាងលើ ។ ប្រភពព័ត៌មាន ពីសមត្ថកិច្ច បានឱ្យដឹងថា ការឃាត់ខ្លួន ជនសង្ស័យខាងលើ គឺអនុវត្ដតាមដីកា បង្គាប់ឱ្យចាប់ខ្លួន របស់សាលាដំបូង ខេត្ដកំពង់ចាមលេខ ១១៩ ព្រ. ចុះថ្ងៃទី៩ ខែមីនា ឆ្នាំ២០១១ ពីបទមនុស្សឃាត ដោយចេតនា កាលពី ថ្ងៃទិ១៩ ខែមេសា ឆ្នាំ២០១០ ។
ប្រភពដដែលបានឱ្យដឹងថា ក្រោយពេលទទួលបាន ដីកាបង្គាប់របស់ សាលាដំបូងខេត្ដ សមត្ថកិច្ចបានធ្វើសកម្មភាព អនុវត្ដនីតិវិធីភ្លាម ប៉ុន្ដែដោយសារ ជនសង្ស័យបានគេចខ្លួន បាត់ពីលំនៅឋាន មិនដឹងទៅទីណា ទើបតម្កល់ដីកានេះទុក បណ្ដោះអាសន្ន ។ លុះមកដល់ថ្ងៃកើតហេតុ គេក៏បានឃើញ ជនសង្ស័យខាងលើ មកលំនៅដ្ឋានរបស់ខ្លួនវិញ ក៏ឃាត់ខ្លួនជននោះ នៅនឹងកន្លែងតែម្ដង ៕
ដកស្រង់ពី៖ នគរវត្ត