គយ និងអាវុធហត្ថខេត្តកោះកុង សហការចាប់រថយន្តចង្កូតស្ដាំ ៣គ្រឿង គ្មានពន្ធនាំចូល
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
ខេត្តកោះកុង ៖ កម្លាំងសាខាគយនិងរដ្ឋាករខេត្តកោះកុង កាលពីថ្ងៃទី១៣ ខែវិច្ឆិកា ឆ្នាំ២០២៣ បានសហការជាមួយកងកម្លាំងកងរាជអាវុធហត្ថខេត្តកោះកុង បានធ្វើការឃាត់ចាប់រថយន្តម៉ាក NISSSAN NAVARA ចំនួន០៣គ្រឿង ជាប្រភេទរថយន្តចង្កូតស្ដាំ សង្ស័យគ្មានបង្កាន់ដៃពន្ធគយនាំចូល នៅចំណុចផ្សេងៗគ្នា ក្នុងភូមិសាស្ត្រក្រុងខេមរភូមិន្ទចំនួន ០២គ្រឿង ស្រុកមណ្ឌលសីមាចំនួន០១ គ្រឿង ។
រថយន្តចង្កូតស្ដាំ ទាំង៣គ្រឿងរួមមាន ៖
១. ម៉ាកNISSAN NAVARA ពណ៌ប្រផេះ ឆ្នាំផលិត2014 ។ ២. ម៉ាកNISSAN NAVARA ពណ៌ប្រផេះឆ្នាំផលិត2017 ។ ៣. ម៉ាកNISSAN NAVARA ពណ៌ទឹកប្រាក់ ឆ្នាំផលិត 2009 ។ បច្ចុប្បន្ន រថយន្តសង្ស័យទាំង០៣គ្រឿងខាងលើ ត្រូវបានកម្លាំងគយនាំមករក្សាទុក នៅក្នុងសាខាគយ និងរដ្ឋាករខេត្ត ដើម្បីបន្តអនុវត្តតាមនិតិវិធី ៕
ដកស្រង់ពី៖រស្មីកម្ពុជា