ជម្លោះរវៀងអ្នកភូមិនិងកម្មករសំណង់ ផ្អើលម្តុំផ្លូវ៦០ម៉ែត្រ
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
រាជធានីភ្នំពេញ ៖ បុរសម្នាក់បានរងរបួសបែកក្បាលហូរឈាម បន្ទាប់ពីផឹកស៊ីទាក់សំដីគ្នាជាមួយនឹងកម្មករសំណង់ ត្រូវកម្មករសំណង់វាយបណ្ដាលឲ្យរងរបួសបែកក្បាល បង្កការភ្ញាក់ផ្អើលកាលពីវេលាម៉ោង៨យប់ថ្ងៃទី២១ ខែធ្នូ ឆ្នាំ២០២៣ នៅចំនុចតំបន់មិនរៀបរយ ផ្លូវ៦០ម៉ែត្រ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
តាមប្រភពបានអោយដឹងថា មុនពេលកើតហេតុ ជនរងគ្រោះកំពុងតែអង្គុយផឹកស៊ី មានគ្នាមួយក្រុម លុះផឹកបានបានបន្តិច មិនដឹងថាមូលហេតុអ្វីនោះទេ ស្រាប់តែទាស់ពាក្យសម្ដី ជាមួយនិងកម្មករសំណង់ ដែលនៅក្នុងការដ្ឋានក្បែរនោះ រហូតទាល់តែមានហិង្សាកើតឡើង វាយកាប់គ្នាទៅវិញទៅមក បណ្ដាលឲ្យបុរសម្នាក់ រងរបួសបែកក្បាលហូរឈាម ហើយមិនថែមប៉ុណ្ណោះ ក៍បានអូសបុរសរូបនោះចូលទៅក្នុងការដ្ឋាន វាយដំបន្ថែមទៀតផងដែរ ។
តាមប្រភពបានបន្តទៀតថា បន្ទាប់ពីវាយអោយរងរបួស ហើយបុរសរូបនោះបានរត់ចេញមកក្រៅដើម្បីអោយគេជួយផងដែរ ។ ក្នុងហេតុការណ៍នេះដែរ បន្តិចក្រោយមកក៍ឃើញមានកម្លាំងសមត្ថកិច្ចមូលដ្ឋាននិងកម្លាំងអន្តរាគមន៍ខណ្ឌមានជ័យ បានចុះទៅកន្លែងកើតហេតុ ដើម្បីសួរនាំ និងបានអោយបុរសជនរងគ្រោះម្នាក់ យកទៅព្យាបាលរបួសនៅមន្ទីរពេទ្យផងដែរ ។
សមត្ថកិច្ចក៍បានបន្តការងារចូលទៅក្នុងការដ្ឋានដើម្បីសួរនាំរកអ្នកបង្កហេតុ ក៍ដូចជាបានធ្វើការឃាត់ខ្លួន បុរសជាសន្តិសុខម្នាក់ ដោយឃើញមានស្នាមរបួសដៃយកទៅប៉ុស្តិ៍នគរបាលរដ្ឋបាលចាក់អង្រែលើធ្វើការសួរនាំ ដើម្បីស្វែងរកជនដៃដល់អោយបានច្បាស់លាស់ផងដែរ ៕
ដកស្រង់ពី៖កោះសន្តិភាព