ល្បិ.ចសង្សារ! រៀបគំរោងបបួលនារី២នាក់ទៅកន្លែងស្ងាត់ រួចប្ល.ន់អស់ពីខ្លួន
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា នារីរងគ្រោះ២នាក់ត្រូវចា.ញ់បោ.កសង្សាររបស់ខ្លួន ដោយបបួលទៅកន្លែងស្ងាត់ រួចរៀបចំគំរោងការជាមួយបក្សពួក យកដំបងមកគំរា.មប្ល.ន់យកទូរស័ព្ទ ព្រមទាំងលុយបានសម្រេច បន្ទាប់មកក៏នាំគ្នាជិះម៉ូតូរត់គេចខ្លួនទៅបាត់អស់ បង្កឱ្យមានការភ្ញាក់ផ្អើលកាលពីវេលាម៉ោង១១និង៣០នាទីយប់ ថ្ងៃទី០៤ ខែមករា ឆ្នាំ២០២៤ ស្ថិតនៅក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
សេចក្តីរាយការណ៍បន្តថា នារីរងគ្រោះខាងលើ ទី១- ឈ្មោះ ធិន ស្រីនិច អាយុ២០ឆ្នាំ មុខរបរផ្នែកសាឡន និងទី២- ឈ្មោះ សោម ណាលីន អាយុ២១ឆ្នាំ មុខរបរលក់ផ្លែឈើ ស្នាក់នៅម្ដុំច្បារអំពៅដូចគ្នា។ ចំណែកទូរស័ព្ទដែលជនសង្ស័យប្ល.ន់យកទៅនោះ ម៉ាកអាហ្វូន ១៣ប្រូមេក ១គ្រឿង អាយហ្វូនស្វែន ធម្មតា ១គ្រឿង និងលុយជាង១០០ដុល្លារផងដែរ។ យោងតាមប្រភពព័ត៌មានបញ្ជាក់ពីនារីរងគ្រោះទាំង២នាក់ បានបង្ហើបប្រាប់ឱ្យដឹងថា «នៅមុនពេលកើតហេតុ ជនសង្ស័យដែលត្រូវជាសង្សារ និងបក្សពួកផ្សេងទៀតបានអូសក្រឡា បម្រុងធ្វើស៊ី២ដងមកហើយ តែមិនបានសម្រេច។
លុះវេលាម៉ោងកើតហេតុខាងលើ ជនសង្ស័យត្រូវជាសង្ស័យក៏ទាក់ទងតាមទូរស័ព្ទមកបបួលលួងលោមនារីរងគ្រោះទាំង២នាក់ម្ដងទៀតថា «ទៅដើរលេងចូលក្លឹប»។
ប្រភពដដែលបន្តថា «បន្ទាប់មក ជនសង្ស័យរៀបគំរោងការដោយឱ្យគ្នីគ្នាម្នាក់នៅចាំកន្លែងដែលគ្រោងទុក ហើយជនសង្ស័យ២នាក់ក៏ជិះម៉ូតូម្នាក់មួយគ្រឿង រួចធ្វើដំណើរទៅយកនារីរងគ្រោះនៅម្តុំច្បារអំពៅ និងដឹកមកកន្លែងកើតហេតុ រួចក៏នាំគ្នាធ្វើសកម្មភាពគំរា.ម ដោយយកដំបងបម្រុងវា.យ ប៉ុន្តែពេលនោះនារីរងគ្រោះទាំង២នាក់បានប្រវា.យប្រតប់ជាមួយដែរ តែមិនឈ្នះក្រុមជនសង្ស័យឡើយ។ ណាមួយខ្លាច ជនសង្ស័យវា.យ ក៏ព្រមឱ្យទូរស័ព្ទម្នាក់មួយគ្រឿង និងលុយជាង១០០ដុល្លារទៅ លុះពេលបានលុយ និងទូរស័ព្ទហើយ ក្រុមជនសង្ស័យទាំងនោះក៏នាំគ្នាជិះម៉ូតូរត់គេចទៅបាត់ស្រមោលអស់តែម្ដងទៅ»។
ក្រោយពេលកើតហេតុ នារីរងគ្រោះក៏បានទាក់ទងតាមទូរស័ព្ទហៅសាច់ញាតិ និងក្រុមគ្រួសារមកយក រួចនាំគ្នាទៅដាក់ពាក្យបណ្ដឹងនៅប៉ុស្តិ៍ភ្លាមៗ។ បន្ទាប់ពីសមត្ថកិច្ចទទួលពាក្យបណ្ដឹងរួចរាល់ហើយ ក៏ធ្វើការស្រាវជ្រាវ និងកំណត់រកមុខសញ្ញាជនសង្ស័យទាំងនោះ យកមកផ្ដន្ទាទោសទៅតាមនីតិវិធីនៃច្បាប់បន្តពេលក្រោយ៕
ដកស្រង់ពី៖កោះសន្តិភាព