ចោរ.បែ.ក.ថ្នាំ.ដើរលួចម៉ូតូ ម្ចាស់ឃើញទាន់ដេញរត់ចុះទឹកព្រែកទន្លេវ៉ៃគោ
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
ខេត្តស្វាយរៀង ៖ មានចោរម្នាក់ចូលលួចម៉ូតូប្រជាពលរដ្ឋ តែព្រះមិនជួយត្រូវម្ចាស់ម៉ូតូឃើញទាន់ស្រែកឆោឡោ ផ្អើលអ្នកជិតខាងនាំគ្នាដេញចាប់ លោកចោរភ័យស្លន់ស្លោរ ក៏លោតចុះក្នុងទឹក កំប្លោកព្រែកទន្លេវ៉ៃគោ ក៏ប៉ុន្តែគេចមិនផុតពីសមត្ថកិច្ចកងរាជអាវុធហត្ថ ព័ទ្ធចាប់បានប្រើពេលជាង១ម៉ោង ។
បើតាមសមត្ថកិច្ចបានឲ្យដឹងថា ករណីចោរចូលលួចម៉ូតូរបស់ប្រជាពលរដ្ឋនេះ កើតឡើងកាលពីវេលាម៉ោង៤ និង២០នាទីល្ងាចថ្ងៃទី១៥ ខែមីនា ឆ្នាំ២០២៤ នៅភូមិបាក់រនាស់សង្កាត់សង្ឃ័រ ក្រុងស្វាយរៀង ។
ប្រភពបន្តថា ក្រោយពីលួចម៉ូតូមិនបានសម្រេច ម្ចាស់គេទាន់ស្រែកឆោឡោ ផ្អើលដល់អ្នកភូមិជិតខាងក៏នាំគ្នាដេញចាប់ ធ្វើឲ្យជនសង្ស័យភ័យស្លន់ស្លោរ ក៏រត់ចុះក្នុងទឹកនៅចំណុចខាងកើតស្ពានhighway នៃព្រែកទន្លេវ៉ៃគោ ខាងកើតសមត្ថកិច្ចកងរាជអាវុធហត្ថខេត្តបានចុះព័ទ្ធចាប់ប្រើពេលជាង១ម៉ោង ទើបចាប់ខ្លួនបាននៅវេលាម៉ោង៤និង៣៦នាទីល្ងាច រួចបញ្ជូនខ្លួនទៅបញ្ជាការដ្ឋានកងរាជអាវុធហត្ថខេត្តដើម្បីសាកសួរ ។
ប្រភពបន្តទៀតថា សមត្ថកិច្ចពិនិត្យទឹកម៉ូតូឃើញថា ជនសង្ស័យមានសាធាតុញៀន សង្ស័យថាបែកថ្នាំ ដោយកន្លងមកជនសង្ស័យធ្លាប់ចាប់ខ្លួនដាក់ពន្ធគារនិងបញ្ជូនទៅមណ្ឌលបន្សាបគ្រឿងញៀនម្តងហើយ ក៏ប៉ុន្តែពេលចេញពីពន្ធនាគារវិញមិនរាងចាល បន្តសកម្មភាពដើរលួចទ្រព្យសម្បត្តិប្រជាពលរដ្ឋ ត្រូវបានសមត្ថកិច្ចចាប់ឃាត់ខ្លួនបានហើយបញ្ជូនខ្លួនទៅសាលាដំបូងខេត្តស្វាយរៀងចាត់ការបន្តតាមនីតិវិធីនៅព្រឹកថ្ងៃទី១៦ មីនា ២០២៤នេះ ។
ដកស្រង់ពី៖កោះសន្តិភាព