អ្នកស្រុកកោះញែក ពុលស្លា.ប់២នាក់ កំពុងសង្គ្រោះ៣នាក់ ក្រោយទទួលទានសាច់ជ្រូកព្រៃ
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
ខេត្តមណ្ឌលគិរី ៖ សេចក្តីរាយការណ៏ជាបឋមបានឲ្យដឹងថា នៅព្រឹកថ្ងៃទី១៩ ខែមីនា ឆ្នាំ២០២៤ មានករណីប្រជាពលរដ្ឋពុលសាច់ជ្រូកព្រៃ(សាច់ជូរ) បណ្ដាលឲ្យស្លា.ប់ពីរនាក់ និងកំពុងសម្រាកព្យាបាលចំនួន០៣នាក់ទៀត នៅមន្ទីរពេទ្យបង្អែកខេត្តមណ្ឌលគិរី ។
សេចក្តីរាយការណ៏បន្តថា ជនរងគ្រោះក្នុងហេតុការណ៍នេះ រួមមាន ៖ ១-ឈ្មោះ យ៉េង ជីនាន ភេទប្រុស អាយុ៣៤ឆ្នាំ ជនជាតិព្នង មានទីលំនៅ ភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី (ស្លា.ប់) នៅមន្ទីរពេទ្យបង្អែកខេត្តមណ្ឌលគិរី ។ ២-ឈ្មោះ ផាន សុបឿន ភេទស្រី អាយុ២៩ឆ្នាំ ជនជាតិខ្មែរ មានទីលំនៅ ភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី (ស្លា.ប់) នៅមន្ទីរពេទ្យបង្អែកស្រុកកោះញែក ។ ៣-ឈ្មោះ ជីនាន វិសាល ភេទប្រុស អាយុ០៦ឆ្នាំ ជនជាតិខ្មែរ មានទីលំនៅ ភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី (កំពុងសម្រាកព្យាបាលនៅមន្ទីរពេទ្យ) ។ ៤-ឈ្មោះ ជីនាន ពិសី ភេទស្រី អាយុ០៤ឆ្នាំ ជនជាតិខ្មែរ មានទីលំនៅ ភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី (កំពុងសម្រាកព្យាបាលនៅមន្ទីរពេទ្យ) ។ ៥-ឈ្មោះ កែវ ស្នា ភេទប្រុស អាយុ៤០ឆ្នាំ ជនជាតិខ្មែរ មានទីលំនៅ ភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី(កំពុងសម្រាកព្យាបាលនៅមន្ទីរពេទ្យ) ។
បច្ចុប្បន្នករណីខាងលើនេះ ត្រូវបានកម្លាំងអធិការដ្ឋាននគរបាលស្រុកកោះញែក និងកម្លាំងប៉ុស្តិ៍ស្រែហ៊ុយ កំពុងស្រាវជ្រាវបន្ត ៕
ដកស្រង់ពី៖កោះសន្តិភាព