បាត់មុខពីទីលានជិត២ឆ្នាំពេលនេះ រស់ សំអឿន វិលចូលទីលានវិញ
- សេចក្ដីលម្អិត
- ជំពូក៖ ព័ត៌មានកីឡា
ខ្សែការពារវិសាខា រស់ សំអឿន បានបាត់មុខពីទីលានជិត២ឆ្នាំដោយសារជាប់សម្រាកព្យាបាលរបួសសរសៃជង្គង់ ហើយពេលនេះអាចវិលចូលទីលានហ្វឹកហាត់ជាមួយក្រុមបានជិត១ខែហើយ។
អតីតខ្សែការពារជម្រើសជាតិកម្ពុជារូបនេះបានប្រាប់មកកាន់ Sabay ថា ពេលនេះបានជាសះស្បើយប្រហែល៨០ទៅ៩០ភាគរយហើយ។ យ៉ាងណាហាក់នៅស្រៀវៗ ពោលគឺចូលហាត់មិនបានប្រឹងអស់១០០%ឡើយ។
ក្រោយអាចវិលចូលទីលានហ្វឹកហាត់វិញ សំអឿន សង្ឃឹមអាចបង្ហាញខ្លួនជាមួយក្រុមក្នុងការប្រកួតផ្លូវការឆាប់ៗ។ របួសដាច់សរសៃជង្គង់នេះបានកើតឡើងមកលើ រស់ សំអឿន កាលខែសីហា ឆ្នាំ២០១៨ ៕
