អ្នកគាំទ្រម្នាក់កាន់អាវ Messi យំបោកខ្លួនក្បែរកីឡដ្ឋាន Camp Nou
- សេចក្ដីលម្អិត
- ជំពូក៖ ព័ត៌មានកីឡា
ខ្សែប្រយុទ្ធ Lionel Messi នឹងចាកចេញពីក្រុម FC Barcelona ជាផ្លូវការហើយ បន្ទាប់ពីក្លឹបមិនអាចសម្រេចបន្ដកុងត្រាថ្មីបាន ក្រោមហេតុផលបញ្ហាសេដ្ឋកិច្ច។ដំណឹងនៃការចាកចេញរបស់វីរបុរសក្លឹបខាងលើនេះ បានធ្វើឱ្យអ្នកគាំទ្រភ្ញាក់ផ្អើលខ្លាំងមែនទែន។
ដោយមួយចំនួនបាននាំគ្នាទៅកីឡដ្ឋាន Camp Nou ដើម្បីអង្គុយជុំគ្នា និងនិយាយពីរឿងដែលពួកគេសឹងតែមិនជឿថាកើតមានឡើងនោះទេ។ Messi បានចំណាយពេលជាង១០ឆ្នាំនៅក្លឹបនេះ និងឈ្នះពានរង្វាន់ជាច្រើន ប៉ុន្តែចុងក្រោយរូបគេនៅតែមិនអាចចូលនិវត្តន៍ជាមួយក្រុម Barcelona បានដដែល។
ដោយក្នុងចំណោមអ្នកគាំទ្រទាំងអស់នោះ មានអ្នកគាំទ្រម្នាក់បានកាន់អាវរបស់ Messi ទ្រហ៊ោយំក្បែររបងកីឡដ្ឋាន Camp Nou តែម្ដង។ នេះបានបង្ហាញថា រូបគេពិតជាស្រលាញ់ និងចង់ឃើញប្រធានក្រុមរូបនេះបន្ដលេងនៅក្រុមអ្នកមានបុណ្យទៀតណាស់៕
