មុនប៉ះគ្នា កីឡាករឡាវម្នាក់សរសើរទម្រង់លេងកម្ពុជាប្លែកត្រង់២ចំណុចនេះ
- សេចក្ដីលម្អិត
- ជំពូក៖ ព័ត៌មានកីឡា
ខ្សែបម្រើរបស់ជម្រើសជាតិឡាវ Phoutthasay Khochalern បានសរសើរពីទម្រង់លេងកើនឡើងរបស់កម្ពុជា មុនក្រុមទាំងពីរត្រូវប៉ះគ្នាក្នុងពានរង្វាន់ AFF Suzuki Cup 2020។
ព្រឹត្តិការណ៍ដែលរៀបចំរាល់ពីឆ្នាំម្ដងនេះនឹងលេងចាប់ពីថ្ងៃទី ៥ ខែ ធ្នូ ឆ្នាំ ២០២១តទៅ ខណៈសិង្ហបុរីជាម្ចាស់ផ្ទះ។ កម្ពុជាស្ថិតក្នុងពូល B ជាមួយឡាវ វៀតណាម ម៉ាឡេស៊ី និងឥណ្ឌូណេស៊ី។
មុនការប្រកួតមកដល់កីឡាករជម្រើសជាតិឡាវ Phoutthasay បានមើលឃើញពីការអភិវឌ្ឍន៍នៃទម្រង់លេងរបស់កម្ពុជា។ Phoutthasay បានលើកឡើងថា៖ "កម្ពុជាមានការអភិវឌ្ឍន៍ច្រើន មានស្ទីលលេងល្អ។របៀបនៃការលេងពិតខុសប្លែកពីមុនណាស់។
ពួកគេលេងបាល់ខ្លីនិងលឿនជាងមុន។ យ៉ាងណា ពួកយើងនឹងព្យាយាមឲ្យអស់ពីលទ្ធភាពដើម្បីរកគ្រាប់បាល់គ្រប់ប្រកួត"។ Phoutthasay វ័យ២៥ឆ្នាំគឺជាកីឡាករឡាវតែម្នាក់គត់ដែលលេងនៅលីគកំពូលថៃ ជាមួយក្លឹប Samut Prakan City។ ឡាវនឹងលេងប្រកួតដំបូងនៅ Suzuki Cup ប៉ះជាមួយវៀតណាម និងជួបកម្ពុជានៅប្រកួតទី៤ក្នុងវគ្គសន្សំពិន្ទុក្នុងពូល៕
