Wout Weghorst គ្រោងផ្ដាច់កុងត្រាជាមួយក្លឹបទួរគី ដើម្បីមកលេងនៅ Man Utd
- សេចក្ដីលម្អិត
- ជំពូក៖ ព័ត៌មានកីឡា
ខ្សែប្រយុទ្ធហុល្លង់ Wout Weghorst គ្រោងផ្ដាច់កុងត្រាជាមួយក្លឹបទួរគី Besiktas ដើម្បីមកលេងជាមួយនឹងក្លឹប Manchester United ក្នុងលក្ខខណ្ឌខ្ចីជើង។ នេះបើតាមការចុះផ្សាយរបស់សារព័ត៌មាន Sky Sports។
តាមពិតទៅ Weghorst ជាកីឡាកររបស់ក្លឹបអង់គ្លេស Burnley ទេ តែគេទៅលេងនៅ Besiktas ក្នុងកុងត្រាខ្ចីជើងចាប់តាំងពីឆ្នាំ២០២២មក។
ប្រភពខាងលើបានឱ្យដឹងថា កីឡាករហុល្លង់រូបនេះនឹងផ្ដាច់កុងត្រាជាមួយក្លឹប Besiktas នៅថ្ងៃព្រហស្បតិ៍នេះ មុនពេលនឹងធ្វើដំណើរកាន់ទីក្រុងមេនឆេស្ទើរ ស្របពេលដែលភាគីទាំងពីរព្រមព្រៀងជាគោលការណ៍ជាមួយគ្នាទៅហើយ។
កីឡាករវ័យ ៣០ឆ្នាំរូបនេះគ្រោងនឹងលេងនៅ Man Utd រហូតដល់ចប់រដូវកាល ២២/២៣។ ក្រោយពេលដែលខ្សែប្រយុទ្ធព័រទុយហ្គាល់ Cristiano Ronaldo ចាកចេញពីក្លឹប Manchester United លោក Erik Ten Hag ដែលជាអ្នកចាត់ការក្លឹបបិសាចក្រហមកំពុងតែស្វះស្វែងរកខ្សែប្រយុទ្ធដើម្បីជំនួសតំណែង Ronaldo៕
