Crystal Palace បណ្ដេញវីរបុរសក្លឹប Arsenal ចេញពីតំណែងអ្នកចាត់ការ
- សេចក្ដីលម្អិត
- ជំពូក៖ ព័ត៌មានកីឡា
ក្លឹប Crystal Palace នៅថ្ងៃសុក្រនេះបានបញ្ចប់កុងត្រារបស់លោក Patrick Vieira ចេញពីតំណែងអ្នកចាត់ការ ក្រោយពេលដែលបុរសសញ្ជាតិបារាំងរូបនេះដឹកនាំក្លឹបមិនសូវល្អ ដោយក្លឹបនេះខកខានឈ្នះអស់ ១២ប្រកួតមកហើយ។
អតីតខ្សែបម្រើក្រុមជម្រើសជាតិបារាំងមួយនេះបានឡើងកាន់ Palace នៅឆ្នាំ២០២១ ហើយជួយឱ្យក្លឹបនេះឈរនៅតំណែងលេខ ១២នៅក្នុងតារាង Premier League កាលពីឆ្នាំមុន។
ទោះបីជាក្លឹប Crystal Palace នៅពេលនេះកំពុងតែឈរលើចំណាត់ថ្នាក់លេខ ១២ក៏ដោយ តែក្លឹបនេះបានធ្លាក់ចេញពីក្របខ័ណ្ឌ FA Cup ហើយស្ថានភាពនៅពេលនេះហាក់ដូចជាគ្រោះថ្នាក់ដែរ ដោយក្លឹបនេះមានតែ ៣ពិន្ទុលើតំបន់កាត់ចេញ។
ស្របពេលជាមួយគ្នានេះដែរ លោក Dean Kiely ដែលជាគ្រូអ្នកចាំទីបានឡើងកាន់ក្លឹបជាបណ្ដោះអាសន្ន៕
