ស៊ុតគ្រាប់ទី១០០ភ្លាម Kane បានកាដូពិសេសពីក្លឹប និង NIKE
- សេចក្ដីលម្អិត
- ជំពូក៖ ព័ត៌មានកីឡា
Harry Kane បានប៉េណាល់ទី ១គ្រាប់ចុងម៉ោងនាទី ៩០+ ជួយ Tottenham Hotspur បាន១ពិន្ទុពីការប្រកួត Premier League សប្ដាហ៍ទី២៦។
១គ្រាប់យប់មិញគឺជាគ្រាប់ទី១០០នៅលីគកំពូលអង់គ្លេសរបស់គេជាមួយក្លឹបមានមូលដ្ឋាននៅភាគជើងទីក្រុងឡុង។ក្រោយសម្រេចជោគជ័យដ៏ធំក្នុងវ័យទើបតែ ២៤ឆ្នាំ Kane បានទទួល កាដូជា ស្បែកជើងបាល់ទាត់ ពិសេសមួយគូពីម្ចាស់ឧបត្ថម្ភ NIKE និងអាវពី Spurs មានលេខ១០០។
កីឡាករដែលមានស្រុកកំណើតនៅតំបន់ Walthamstow លេងជាមួយ Tottenham ទាំងឈុតយុវជន និងឈុតធំតាំងពីឆ្នាំ២០០៤មកម្ល៉េះ ប៉ុន្តែក៏ធ្លាប់ត្រូវក្លឹបអនុញ្ញាតឲ្យក្រុមដទៃខ្ចីជើងផងដែរ មានដូចជា Leyton Orient, Millwall, Norwich City និង Leicester City៕
ដកស្រង់ពី៖ Sabay