ក្រោយប្រកាសចាកចេញ Atl Madrid ប្រាប់ Torres ថាក្លឹបបើកទ្វារចាំបើចង់មកវិញ
- សេចក្ដីលម្អិត
- ជំពូក៖ ព័ត៌មានកីឡា
Fernando Torres បានប្រកាសចាកចេញពី Atletico Madrid នៅចុងរដូវកាលនេះ តែមិនទាន់បង្ហើបថាទៅចូលរួមជាមួយក្លឹបណានៅឡើយទេ។
អតីតសមាជិក Liverpool នឹងផុតកុងត្រានៅរដូវក្ដៅខាងមុខនេះ។ ក្រោយមិនត្រូវបានក្លឹបប្ដូរឲ្យចូលលេងក្នុងប្រកួតស្មើគ្នាជាមួយ Real Madrid ខ្សែប្រយុទ្ធសញ្ជាតិអេស្ប៉ាញបាននិយាយថា៖ "រដូវកាលនេះគឺជាពេលវេលាចុងក្រោយរបស់ខ្ញុំជាមួយក្លឹប ដូចដែលអ្នកបានឃើញខ្ញុំមាន ឱកាសលេងតិចមែនទែន"។
Atletico សន្យាថាក្លឹបនឹងរៀបចំពិធីលាដើម្បីផ្ដល់កិត្តិយសដល់ Torres នៅប្រកួតចុងក្រោយក្នុងទឹកដីទល់នឹង Eibar ចំថ្ងៃទី ២០ ខែឧសភា។ ក្រុមដែលមានមូលដ្ឋាននៅរាជធានីរបស់អេស្ប៉ាញក៏បើកទ្វារស្វាគមន៍ផងដែរ បើខ្សែប្រយុទ្ធវ័យ៣៤ឆ្នាំចង់ត្រឡប់មកវិញធ្វើជាជំនួយការ ឬក៏គ្រូបង្វឹកនាថ្ងៃអនាគត៕
ដកស្រង់ពី៖ Sabay