Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ឡានអគ្គិសនី Hyundai សាកភ្លើង៥នាទី ជិះបាន ១០០គីឡូម៉ែត្រ

  • Print

Hyundai Ioniq 5 គឺជារថយន្តអគ្គិសនីថ្មីរបស់ Hyundai ដែលទើបបានបង្ហាញវត្តមានកាលពីសប្ដាហ៍កន្លងទៅ ហើយរថយន្តនេះកំពុងតែទទួលបានចាប់អារម្មណ៍ខ្លាំងនៅអឺរ៉ុប ដោយមានអតិថិជនប្រមាណ ២៣ម៉ឺននាក់ បានសាកសួរព័ត៌មានអំពីរថយន្តនេះ។

សមត្ថភាពសាកថ្មរបស់ Hyundai Ioniq 5 នេះគឺជាចំណុចលេចធ្លោបំផុតមួយ ដោយតាមរយៈសមត្ថភាពសាកថ្មកម្លាំង ៨០០វ៉ុល របស់វា នៅពេលដែលដោតចូលទៅដុំសាកកម្លាំង ៣៥០kW អាចឲ្យរថយន្តនេះសាកភ្លើងពី ៥% ឡើងដល់ ៨០% ដោយប្រើពេលត្រឹម ១៨នាទី ហើយសាក ៥នាទី អាចជិះបានចម្ងាយ ១០០គីឡូម៉ែត្រ។

រថយន្ត Hyundai Ioniq 5 នេះនឹងមានជម្រើសអាគុយពីរទំហំគឺ ៥៨kWh និង ៧២,៦kWh និងមាន Option ប្រើប្រាស់ម៉ូទ័រអគ្គិសនីភ្លោះផងដែរ។

Ioniq 5 ប្រភេទដែលមានកម្លាំងខ្លាំងជាងគេនឹងអាចផលិតកម្លាំងបាន ៣០២សេះ ហើយស្ទុះពី ០ – ១០០គ.ម/ម៉ ដោយប្រើពេលតែ ៥,២វិនាទី។

សម្រាប់ប្រភេទប្រើម៉ូទ័រអគ្គិសនីតែមួយ និងមានអាគុយទំហំ ៧២,៦kWh អាចផ្ដល់ចម្ងាយបើកបរឆ្ងាយជាងគេដោយសាកភ្លើងមួយពេញអាចជិះបានចម្ងាយពី ៤៧០ ទៅ ៤៨០ គីឡូម៉ែត្រ។

គួរដឹងថារថយន្ត Hyundai Ioniq 5 នឹងចេញលក់មុនគេនៅលើទីផ្សារអឺរ៉ុប ដោយបញ្ចេញលក់ចាប់ពីពាក់កណ្ដាលឆ្នាំ ២០២១ នេះ ខណៈដែលតម្លៃលក់មិនទាន់មានការបង្ហើបឲ្យដឹងនៅឡើយទេ៕

ដកស្រង់ពី៖sabay