តារារ៉េប វណ្ណដា ទម្លាយមូលហេតុសាក់រូបដើមដូងលើដៃភ្នំពេញ ៖ តារាចម្រៀងរ៉េបវ័យក្មេងលោកវណ្ណដា បច្ចុប្បន្នត្រូវបានគេកត់សម្គាល់ថាលោកមិនត្រឹមមានសមត្ថភាពធ្វើបទOriginal Songនោះទេ គឺលោកក៏មានទីផ្សារគាំទ្រខ្ពស់មិនចាញ់តារារួមជំនា
- Details
- Category: Other News
ភ្នំពេញ ៖ តារាចម្រៀងរ៉េបវ័យក្មេងលោកវណ្ណដា បច្ចុប្បន្នត្រូវបានគេកត់សម្គាល់ថាលោកមិនត្រឹមមានសមត្ថភាពធ្វើបទOriginal Songនោះទេ គឺលោកក៏មានទីផ្សារគាំទ្រខ្ពស់មិនចាញ់តារារួមជំនាន់ឯទៀតឡើយ។
ស្របពេលដែលទីផ្សារសិល្បៈកំពុងទទួលបានការគាំទ្រច្រើនពីមហាជននិងមិត្តៗយុវវ័យនេះដែរតារា ចម្រៀងលោក វណ្ណដា ក៏ស្រាប់តែទម្លាយរឿងដ៏ភ្ញាក់ផ្អើលមួយដែលកន្លងមកពុំធ្លាប់មាននណាដឹងទេពោលគឺអត្ថន័យស្នាមសាក់នៅលើដៃរបស់លោកតែម្តង។
តាមរយៈកិច្ចសម្ភាសន៍មួយលោក វណ្ណដា បានបញ្ជាក់ឲ្យដឹងពីមូលហេតុ ដែលខ្លួនបានសាក់រូបដើម ដូងនៅលើកំភួនដៃថាលោកគឺជាកូនអ្នកខេត្តព្រះសីហនុ ខណៈមុនពេលលោកចូលប្រឡូកសិល្បៈ លោកបានប្រកបរបរជាក្មេងកោសដូងលក់នៅផ្សារ នាទឹកដីខេត្តព្រះសីហនុ។ លោកថាតាំងពីតូចមកលោកស្រលាញ់និងចូលចិត្តដើមដូងខ្លាំងបំផុតទើបសម្រេចចាក់សាក់រូបដើមដូងនេះនៅលើដៃ។
វណ្ណដា បានបន្ថែមថា រូបភាពសាក់ដើមដូងនេះហើយអាចរម្លឹកដល់ការចងចាំគ្រាដែលនៅជាក្មេងប្រកបរបរកោសដូងលក់។ សូមបញ្ជាក់ថា វណ្ណដា គឺជាតារាចម្រៀងOriginal Songមួយរូបដែលមានសមត្ថភាពខ្ពស់ក្នុងវិស័យចម្រៀងទាំងការច្រៀងរ៉េប និពន្ធបទចម្រៀង បទភ្លៀង និងបង្កើតស្នាដៃបទចម្រៀងថ្មីៗជាដើម៕
ដកស្រង់ពី៖កម្ពុជាថ្មី