ពិតមែនទេ តារាចម្រៀងដើមទ្រូងទ្រលុកទ្រលន់ រតនៈ ពិសី ប្រកាសផ្អាកសិល្បៈ!
- Details
- Category: Other News
ក្នុងពេលដែលអ្នកលក់អនឡាញមួយចំនួន ប្រឹងរុលចូលសិល្បៈ ស្រាប់តែតារាចម្រៀងចូលចិត្តតែងខ្លួនសិចស៊ី រតនៈ ពិសី ឲ្យតម្រុយថា នាងនឹងផ្អាកការងាររាំច្រៀងទៅវិញ។ តារាស្រីដើមទ្រូងមូលក្បំ រតនៈ ពិសី បានប្រកាសថា នាងនឹងផ្អាកសកម្មភាពសិល្បៈមួយរយៈធំសិន ដោយបានធ្វើឲ្យប្រិយមិត្តរបស់នាងមានការភ្ញាក់ផ្អើល។
ជាមួយគ្នា នាងក៏មិនបានប្រាប់ថា នាងនឹងវិលវិញពេលណានោះទេថែមទៀត។ ការប្រកាសបែបនេះ ខណៈគេឃើញនាង ថ្មីៗនេះ ទើបនឹងចេញម្រៀងមួយបទ ជាចង្វាក់ញាក់ មានចំណងជើងថា «ប្រាប់ចេ»។ ជុំវិញបញ្ហានេះ រតនៈ ពិសី បានប្រាប់ឲ្យដឹងថា ការដែលនាងសម្រេចចិត្តផ្អាកការងារសិល្បៈដែលជួយនាងឲ្យមានមុខមានមាត់ជាច្រើនឆ្នាំនេះ គឺដោយសារតែនាងកំពុងតែជាប់ដៃនឹងការងាររកស៊ីលើជំនួញច្រើនមុខ ហើយនាងមិនមានពេលគ្រប់គ្រាន់ដើម្បីចាប់យកសិល្បៈផង និងជំនួញផង។
ពិសី បច្ចុប្បន្ន កំពុងកាន់ការងារមើលការខុសត្រូវលើហាងស្ប៉ា លក់ផលិតផលមកពីអាមេរិកដោយខ្លួនឯង និងកំពុងតែត្រៀមបើកហាងថ្មីមួយបន្ថែមទៀត។ ដូច្នេះហើយ ក៏សម្រេចថាផ្អាកមួយរយៈសិន ប៉ុន្តែយ៉ាងណា នាងថា ទំនងមកលាសិល្បៈរហូតនោះទេ។ រតនៈ ពិសី "ចា៎បង ខ្ញុំអត់ឈប់ទាំងស្រុងនោះទេ គឺខ្ញុំគ្រាន់តែផ្អាកមួយរយៈសិនបង ព្រោះខ្ញុំរវល់រឿងការងាររកស៊ី ហើយខាងមុខនេះ ខ្ញុំត្រូវបើកជំនួញថ្មីមួយទៀតផង។ អីចឹងហើយ ទើបធ្វើឲ្យខ្ញុំកាន់តែខើចពេលវេលា ជាមួយនឹងការងារសិល្បៈ អីចឹងក៏សម្រេចផ្អាកមួយរយៈសិន"។
ដូចបញ្ជាក់ពីខាងលើ មុននាងប្រកាសផ្អាក រតនៈ ពិសី បានទុកចំណងដៃជូនអ្នកគាំទ្ររបស់នាងនូវចម្រៀងមួយបទមានចំណងជើងថា "ប្រាប់ចេ"។ តារាស្រីតូចច្រឡឹងរូបនេះ ប្រាប់ថា បទនេះគ្រាន់តែចេញមកភ្លាម គឺផ្ទុះតែម្ដង ក្នុងមានទាំងអ្នកសរសើរ និងអ្នករិះគន់។ យ៉ាងណានាងថា នាងដឹងមុនហើយ ព្រោះរបស់មួយមិនអាចផ្គាប់ចិត្តមនុស្សទាំងអស់នោះទេ។
តារាចម្រៀង រតនៈ ពិសី ធ្លាប់ត្រូវបានអ្នករៀបចំកម្មវិធីជ្រើសរើស ជាតារាចម្រៀងតំណាងប្រទេសកម្ពុជា ក្នុងការសម្ដែងសិល្បៈទ្រង់ទ្រាយធំ ប្រចាំឆ្នាំ ដែលមានឈ្មោះថា «ASEAN-China TV Drama Week» ដែលបានធ្វើឡើងនៅក្នុងប្រទេសចិននាពេលកន្លងមក។
ក្រៅពីនេះ នាងក៏ធ្លាប់បានចេញទៅសម្តែង និងច្រៀងរយៈពេល៣ខែ នៅប្រទេសអូស្ត្រាលីថែមទៀត។ ជុំវិញការប្រកាសផ្អាកពីសិល្បៈនាពេលនេះ ពិសី មិនបានបញ្ជាក់នោះទេថា នឹងវិលវិញពេលណា គ្រាន់តែនាងថា វេលាសមគួរណាមួយ នាងនឹងវិលវិញ ហើយនាំយកចំណងដៃថ្មីទៀតមកជូនអ្នកគាំទ្រ៕
ដកស្រង់ពី៖Sabay