Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

WhatsApp ប្រឈមនឹងការផាកពិន័យជាលើកដំបូងក្នុងប្រទេសរុស្ស៊ីចំពោះការមិនព្រមលុបព័ត៌មានហាមឃាត់

  • Print
Details
Category: Other News

(បរទេស)៖ កម្មវិធីផ្ញើសារ WhatsApp កំពុងប្រឈមមុខនឹងការផាកពិន័យជាលើកដំបូងក្នុងប្រទេសរុស្ស៊ីក្នុងទំហំទឹកប្រាក់ជាង ៥ម៉ឺនដុល្លារ ជុំវិញការមិនព្រមលុបមាតិកាហាមឃាត់ ខណៈដែលប្រទេសរុស្ស៊ី នៅតែបន្តតឹងសរសៃកជាមួយនឹងប្រទេសអ៊ុយក្រែន។

នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២២ ខែឧសភា ឆ្នាំ២០២៣។ ប្រភពពីទីភ្នាក់ងារសារព័ត៌មានរដ្ឋ RIA របស់រុស្ស៊ីបានរាយការណ៍មកថា នេះជាលើកដំបូងដែល WhatsApp ប្រឈមមុខនឹងបញ្ហាផ្លូវច្បាប់ ដោយកន្លងមកក្រុមហ៊ុនមេ Meta Platform ធ្លាប់បានហាមឃាត់ក្នុងប្រទេសរុស្ស៊ីរួចទៅហើយកាលពីឆ្នាំ២០២២ កន្លងទៅដែលត្រូវបានគេចាត់ទុកថាជា «អង្គការជ្រុលនិយម» ប៉ុន្តែ WhatsApp មិនត្រូវបានប៉ះពាល់ទេ នឹងនៅតែជាកម្មវិធីផ្ញើសារដ៏ពេញនិយម។

តែយ៉ាងណាជុំវិញករណីនេះទីភ្នាក់ងារសារព័ត៌មាន RIA មិនបានគូសបញ្ជាក់ពីព័ត៌មានអ្វីដែល WhatsApp មិនព្រមលុប និងជាព័ត៌មានដែលរុស្ស៊ីចាត់ទុកថាជាមាតិកាហាមឃាត់នោះទេ៕

ដកស្រង់ពី៖Fresh New