Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ក្រសួងពាណិជ្ជកម្ម ជូនដំណឹងអំពីពិព័រណ៍ផលិតផលកាហ្វេ អន្តរជាតិសេអ៊ូល ដែលនឹងប្រព្រឹត្តទៅនៅខែវិច្ឆិកាខាងមុខ

  • បោះពុម្ព

ភ្នំពេញ៖ ក្រសួងពាណិជ្ជកម្មកម្ពុជា ធ្វើការជូន ដំណឹង ដល់ ម្ចាស់ក្រុមហ៊ុន សហគ្រាស សិប្បកម្ម និងសាធារណៈជនទូទៅ ដែលកំពុង ធ្វើធុរកិច្ចក្នុងវិស័យ អាហារ និងភេសជ្ជៈថា គណៈកម្មការរៀបចំពិព័រណ៍ ផលិត ផលកាហ្វេអន្តរជាតិនៃប្រទេសកូរ៉េ នឹងបន្តរៀបចំ “ពិព័រណ៍ផលិត ផលកាហ្វេអន្តរជាតិសេអ៊ូលលើកទី២២” (The 22nd Seoul International Cafe Show) ដែលនឹងប្រព្រឹត្តទៅចាប់ពីថ្ងៃទី៨-១១ ខែ វិច្ឆិកា ឆ្នាំ២០២៣ នៅទីក្រុងសេអ៊ូល សាធារណរដ្ឋកូរ៉េ។

 

ក្នុងសេចក្តីជូនដំណឹងរបស់ក្រសួងពាណិជ្ជកម្មនៅថ្ងៃទី៦ ខែ មេសាបាន រៀបរាប់ថា ពិព័រណ៍នេះផ្តោតសំខាន់លើការធ្វើជំនួញ និងផ្សព្វផ្សាយផលិត ផលកាហ្វេ ម៉ាស៊ីនលីងកាហ្វេ ម៉ាស៊ីនឆុងកាហ្វេ តែ នំ បង្អែម ការ៉េម សូកូឡា សម្ភារៈផ្ទះបាយ និងសេវាកម្មចំណីអាហារ និងភេសជ្ជៈគ្រប់ប្រភេទ។

គណៈកម្មការរៀបចំពិព័រណ៍បានបែងចែកតម្លៃស្តង់ជាពីរប្រភេទគឺ ទីតាំង ទំនេរទំហំ ៣ម៉ែត្រ គុណនឹង ៣ម៉ែត្រ (Raw Space) មានតម្លៃ ២ ៩០០ ដុល្លារ និងស្តង់ធម្មតា (Shell Stand) មានទំហំ ៣ម៉ែត្រ គុណនឹង ៣ម៉ែត្រ មានតម្លៃ ៣៣០០ដុល្លារ។

ក្នុងនាមអ្នកសម្របសម្រួល ក្រសួងពាណិជ្ជកម្ម អំពាវនាវដល់ម្ចាស់ក្រុមហ៊ុន សហគ្រាស និងសាធារណៈជនទូទៅដែលមានចំណាប់អារម្មណ៍ ចង់ ចូលរួមក្នុងព្រឹត្តិការណ៍ខាងលើ ដើម្បីស្វែងរកកាលានុវត្តភាពនាំចេញ ផលិតផលរបស់ខ្លួនទៅកាន់ទីផ្សារអន្តរជាតិ ឬមានបំណងស្វែងរកដៃគូ ពាណិជ្ជកម្ម ជាអន្តរជាតិ សូមទាក់ទងមកនាយកដ្ឋានកិច្ចការពិព័រណ៍ អគ្គនាយកដ្ឋានជំរុញពាណិជ្ជកម្មនៃក្រសួងពាណិជ្ជកម្ម យ៉ាងយូរបំផុតត្រឹមថ្ងៃទី៣០ ខែមិថុនា ឆ្នាំ២០២៣ជាកំណត់៕

ដកស្រង់ពី៖ រស្មីកម្ពុជា