ភ្ញៀវទេសចរចិនមកកម្ពុជាកើន៤៣ភាគរយក្នុងត្រីមាសទី១
- សេចក្ដីលម្អិត
- ជំពូក៖ ព័ត៌មានទេសចរណ៍
របាយការណ៍របស់ក្រសួងទេសចរណ៍កម្ពុជាបានចេញផ្សាយកាលពីថ្ងៃពុធថា ចំនួនភ្ញៀវទេសចរចិនមកកម្ពុជាបានកើនឡើង ៤៣ ភាគរយធៀបនឹងរយៈពេលមួយឆ្នាំនៅក្នុងត្រីមាសទី១ (Q1) ឆ្នាំ២០២៤។
របាយការណ៍បានឱ្យដឹងថា ភ្ញៀវទេសចរចិនជិត ១៩០,០០០ នាក់បានធ្វើដំណើរមកកាន់ប្រទេសកម្ពុជា ក្នុងអំឡុងពេលខែមករាដល់ខែមីនាឆ្នាំនេះ កើនឡើង ៤៣ភាគរយពី ១៣២,៦៦៥នាក់ ក្នុងរយៈពេលដូចគ្នាកាលពីឆ្នាំមុន។
របាយការណ៍បានបន្ថែមថា ភ្ញៀវទេសចរចិនមានចំនួន ១២ ភាគរយនៃចំនួនភ្ញៀវទេសចរអន្តរជាតិសរុបមកកម្ពុជា ដោយបន្ថែមថាព្រះរាជាណាចក្រកម្ពុជា បានទាក់ទាញភ្ញៀវទេសចរបរទេសសរុបចំនួន ១,៥៨ លាននាក់នៅក្នុងត្រីមាសទី១ ឆ្នាំនេះ កើនឡើង ២២,៥ ភាគរយពីចំនួន ១,២៩លាននាក់នៅក្នុងត្រីមាសទី១កាលពីឆ្នាំមុន។
យោងតាមរបាយការណ៍បានឱ្យដឹងថា ប្រទេសចិនគឺជាប្រភពភ្ញៀវទេសចរបរទេសដ៏ធំបំផុតទីបីមកកាន់ព្រះរាជាណាចក្រកម្ពុជា នៅក្នុងត្រីមាសទី១ឆ្នាំនេះ បន្ទាប់ពីថៃ និងវៀតណាម។
ដកស្រង់ពី៖ ខ្មែរថាមស៍