(ញូដេលី)៖ ក្រសួងសុខាភិបាលឥណ្ឌា បានប្រកាសពីការរកឃើញ COVID-19 ៣៤,៦៦៦ករណីថ្មី និងអ្នកស្លាប់ ៤៨៧នាក់ ក្នុងរយៈពេល២៤ម៉ោងចុងក្រោយនេះ។
នេះបើតាមការចេញផ្សាយដោយទីភ្នាក់ងារព័ត៌មានចិនស៊ីនហួ។ បើតាមក្រសួងសុខាភិបាលឥណ្ឌា បូកបញ្ចូលតួលេខថ្មីខាងលើ ធ្វើឱ្យចំនួនអ្នកឆ្លងសរុបទូទាំងប្រទេសកើនដល់ ៩,៧៩៦,៩៩២នាក់ ក្នុងនោះស្លាប់កើនដល់ ១៤២,២២២នាក់ និងជាសះស្បើយឡើងវិញ ៩,២៩០,១៨៨នាក់។
គួរបញ្ជាក់ថា គិតមកទល់នឹងពេលនេះ អាជ្ញាធរសុខាភិបាលឥណ្ឌា បានធ្វើតេស្ដរក COVID-19 លើមនុស្ស ១៥១,៦៣២,២២៣នាក់ ហើយ៨៧២,៤៩៧នាក់ ត្រូវបានធ្វើតេស្ដពេញមួយថ្ងៃព្រហស្បតិ៍ម្សិលមិញ៕
ដកស្រង់ពី៖ Fresh News