ក្រុមបាតុករស្រីលង្កា ប្រឆាំងនឹងបម្រាមគោចរបន្ទាប់ពីការបិទប្រព័ន្ធផ្សព្វផ្សាយសង្គម

Details

Category: International News

 ទាហានប្រដាប់អាវុធនៅក្នុងប្រទេសស្រីលង្កា បានរារាំងការហែក្បួនរបស់ពួកប្រឆាំង កាលពីថ្ងៃអាទិត្យ-ម្សិលមិញ ដែលប្រឆាំងនឹងបម្រាមគោចរកាលពីចុងសប្តាហ៍ ក្នុងបំណងប្រឆាំងនឹងវិបត្តិសេដ្ឋកិច្ចកាន់តែអាក្រក់របស់ប្រទេសកោះនេះ បន្ទាប់ពីអាជ្ញាធរ បានដាក់ចេញការបិទប្រព័ន្ធផ្សព្វផ្សាយសង្គម ដើម្បីទប់ស្កាត់ការមិនពេញចិត្តជាសាធារណៈ។

ប្រទេសអាស៊ីខាងត្បូងមួយនេះ កំពុងប្រឈមមុខនឹងការខ្វះខាតស្បៀងអាហារ ឥន្ធនៈ និងសម្ភារៈសំខាន់ៗដទៃទៀត រួមជាមួយនឹងអតិផរណា និងការកាត់ផ្តាច់ចរន្តអគ្គិសនីនៅក្នុងការធ្លាក់ចុះដ៏ឈឺចាប់បំផុតរបស់ខ្លួន ចាប់តាំងពីទទួលបានឯករាជ្យពីចក្រភពអង់គ្លេសក្នុងឆ្នាំ 1948 ប្រធានាធិបតី Gotabaya Rajapaksa បានដាក់រដ្ឋក្នុងភាពអាសន្នកាលពីថ្ងៃសុក្រ មួយថ្ងៃបន្ទាប់ពីហ្វូងមនុស្សព្យាយាម សម្រុកចូលផ្ទះរបស់លោក ក្នុងរដ្ឋធានីកូឡុំបូ ហើយបម្រាមគោចរទូទាំងប្រទេស បានចូលជាធរមានរហូតដល់ព្រឹកថ្ងៃចន្ទ។

គណបក្ស (SJB) ជាសម្ព័ន្ធប្រឆាំងដ៏សំខាន់របស់ប្រទេសស្រីលង្កា បានបរិហារការដាច់ប្រព័ន្ធផ្សព្វផ្សាយសង្គម ដែលមានគោលបំណងលុបបំបាត់បាតុកម្មជាសាធារណៈកាន់តែខ្លាំង ហើយបាននិយាយថា វាដល់ពេលហើយសម្រាប់រដ្ឋាភិបាល ដើម្បីលាលែងពីតំណែង។

កងទ័ពប្រដាប់ដោយកាំភ្លើងវាយប្រហារស្វ័យប្រវត្តិ បានធ្វើចលនា ដើម្បីបញ្ឈប់ការតវ៉ារបស់សមាជិកសភាបក្សប្រឆាំង និងអ្នកគាំទ្ររាប់រយនាក់ ដែលព្យាយាមដើរក្បួនទៅទីលានឯករាជ្យនៃរដ្ឋធានី។

ផ្លូវនានានៃរដ្ឋធានី បាននៅទទេរទាំងស្រុងកាលពីថ្ងៃអាទិត្យ ក្រៅពីការតវ៉ារបស់គណបក្សប្រឆាំង និងរថយន្តជាច្រើនខ្សែយ៉ាងវែង ដែលតម្រង់ជួរចាំចាក់ប្រេងនៅស្ថានីយ៍សេវាកម្ម នេះបើតាមការផ្សាយរបស់ CNA សឹង្ហបុរី ដោយដកស្រង់ពីសារព័ត៌មាន AFP