ប្រទេសមហាអំណាច សន្យាបន្ត ការផ្អាកបាញ់គ្នា នៅស៊ីរី និងប ន្តផ្តល់ជំនួយ

Details

Category: International News

បរទេស: ទូរទស្សន៍ប៊ីប៊ីស៊ី ចុះផ្សាយ នៅថ្ងៃពុធ ទី១៨ ខែឧសភា ឆ្នាំ២០១៦នេះ បានឲ្យដឹងថា ប្រទេសមហាអំណាច បានធ្វើការ យល់ព្រមគ្នា សាជាថ្មីម្តងទៀត ក្នុងការព្យាយាម បង្វែរ បទឈប់បាញ់គ្នា

នៅក្នុង ប្រទេសស៊ីរី ឲ្យកាន់តែមាន ប្រសិទ្ធិភាព ជាងមុន។ ក្រុមគាំទ្រ ស៊ីរីអន្តរជាតិ ឬThe International Syria Support Group (ISSG) ធ្លាប់បានព្រមានថា បទឈប់បាញ់គ្នា ដែលបានបន្ត អស់រយៈពេល ១១សប្តាហ៍នោះ អាចនឹងត្រឡប់មកសភាពដើមវិញ។ ក្រុមISSG បានប្រកាសថា យូអិន នឹងធ្វើការ ទម្លាក់ជំនួយ តាមអាកាសទៅ កាន់តំបន់នានា ដែលត្រូវការ នាខែមិថុនា ក្រោយនេះហើយ។ អ្នកជំនាញការទូត នឹងធ្វើការលើកទឹកចិត្ត ដល់ក្រុមប្រឆាំង នឹងរដ្ឋាភិបាលស៊ីរី ក្នុងការបើក កិច្ចចចារគ្នា នានាដើម្បីឈានទៅ ដល់ដំណោះស្រាយមួយ ក្នុងការបញ្ចប់សង្គ្រាមស៊ីវិល ដ៏រ៉ាំរ៉ៃ ដែលបានអូសបន្លាយ អស់រយៈពេល ៥ឆ្នាំ កន្លងមកហើយ ៕

ដកស្រងពី៖ដើមអម្ពិល