ព័ត៌មាន
Radio Live
Social Network
នៅផ្ទះៗ ខាត់ សុខឃីម កំពុងភ័យខ្លួនរឿងមួយនេះណាស់!
- Details
- Category: Other News
តារាចម្រៀងសម័យ និងប្រពៃណីវ័យ៤០ឆ្នាំ អ្នកនាង ខាត់ សុខឃីម កំពុងភ័យខ្លួនរឿងឡើងគីឡូស្រឺតៗ ពោលគឺឡើងទម្ងន់ពី៥០ ដល់៦០គីឡូក្រាមហើយ ក្នុងរយៈពេលតែជាងពីរខែប៉ុណ្ណោះដែលនឹងសម្រាកនៅផ្ទះគេចពីកូវិដ-១៩។
អ្នកនាង ខាត់ សុខឃីម និយាយថា នៅពេលដែលទំនេរច្រើនពីការងារសិល្បៈ ហើយសម្ងំតែនៅផ្ទះដូចសព្វថ្ងៃនេះ បានធ្វើឲ្យរបបអាហាររបស់នាងខុសមុនឆ្ងាយ។ ចំណីអាហារផ្អាប់ និងឆ្ងាញ់ៗ ត្រូវបាននាងញ៉ាំច្រើន ហើយញឹកញាប់ទៅតាមចំណង់ចំណូលចិត្ត និងពេលវេលាអំណោយផល។ ខាត់ សុខឃីម៖ "យើងហាត់ដែរដើម្បីសម្រកទម្ងន់នៅផ្ទះមិនដូចហាត់នៅក្លឹបទេ...គីឡូនៅតែឡើង។
ទាល់តែរកវិធីសម្រកថ្មីថែមទៀតហើយមើលទៅ ព្រោះបងព្រួយបារម្ភពីសុខភាពដែរនឹងណាអូន"។ តារាចម្រៀង និងកំប្លែងសម្បូរថ្វីមាត់រូបនេះ កំពុងបារម្ភពីសុខភាពខ្លាំងណាស់ដែរ ដោយខ្លាចធាត់លើសទម្ងន់ ហើយបច្ចុប្បន្នកំពុងរកវិធីសម្រកទម្ងន់ឲ្យចុះមកនៅត្រឹមទម្ងន់៥០គីឡូដូចដើមវិញ។
ជារៀងរាល់ព្រឹក និងល្ងាច នាងបានចំណាយពេលរត់ហាត់ប្រាណយ៉ាងហោច២០នាទី នៅក្នុងបរិវេណបុរីដែលនាងរស់នៅ៕
ដកស្រង់ពី៖ Sabay