ធ្លាប់​ដឹង​ទេថា​ ឈ្មោះក្រៅពិត​ប្រាកដ Tono និង Nychaa គឺ​អ្វី?

Details

Category: Other News

តារាសម្ដែងថៃដ៏ស័ក្តិសមនឹងគ្នា មួយគូនេះបានទម្លាយពីឈ្មោះរបស់ពួកគេពីមុនប្រាប់អ្នកគាំទ្រ បង្កជាការភ្ញាក់ផ្អើលគួរសមដែរ ព្រោះថាតាំងពីចូលសិល្បៈមក ពួកគេមិនដែលបង្ហើបប្រាប់ឡើយ។

សម្រាប់ Tono បាននិយាយថា កាលពីក្មេងឈ្មោះក្រៅរបស់លោកគឺ "Ae" ប៉ុន្តែក៏ស្រាប់តែប្ដូរមកជា "Tono" ដូចបច្ចុប្បន្ននេះទៅ។ រីឯ Nychaa វិញ ឈ្មោះក្រៅដំបូងរបស់នាងនោះគឺ "Baifern" មិនមែន Nychaa ទេ។

លុះបានចូលប្រឡូកក្នុងវិស័យសិល្បៈ អ្នកចាត់ការទូទៅរបស់នាងគឺ Khun Bermb ក៏បានប្ដូរពី "Baifern" មក "Nychaa" វិញ ដោយកាត់យកកន្ទុយឈ្មោះនាង "Nuttanicha" ព្រោះវាឡូយ និងងាយហៅ។ វាជារឿងគួរឲ្យចាប់អារម្មណ៍មួយដែរសម្រាប់អ្នកគាំទ្រ ព្រោះតាំងពីដើមមកគ្រប់គ្នាមិនដែលដឹងរឿងនេះចេញពីមាត់សាមីខ្លួនឡើយ៕

ដកស្រង់ពី៖ Sabay