Apple គ្រោង​ផលិត iPad Mini 4 នៅ​ចុងឆ្នាំ​នេះ

Details

Category: Other News

ព័ត៌មានចចាម អារ៉ាម ព្រមទាំងមានរូបរាង របស់ត្រកូល iPad ដែលបានបង្ហាញ ក្នុងប្រព័ន្ធអេឡិចត្រូនិក ធ្វើឱ្យអតិថិជនអ្នក ប្រើប្រាស់ iPad ពុះកញ្ជ្រោលគ្រប់ៗគ្នា ហើយលើកឡើងថា នេះជា iPad Mini 4 ជំនាន់ក្រោយដែលក្រុមហ៊ុន Apple គ្រោងនឹងផលិត នៅចុងឆ្នាំ ២០១៥ ។

រូបភាពបង្ហាញ លើប្រព័ន្ធអីុនធើរណេត គ្រាន់តែជាបន្ទះគម្រប និងមានស្លាកយីហោ របស់ក្រុមហ៊ុន Apple តែប៉ុណ្ណោះចំពោះរូបរាង ផលិតផលពិតប្រាកដ យ៉ាងណានោះពុំទាន់បង្ហាញ វត្តមាននៅឡើយទេ ពោលគឺរង់ចាំការរចនាបទ កាន់តែទំនើប ស្ថិតក្នុងត្រកូល iPad ។ iPad ស៊េរីមុនដូចជា iPad Air 2 ទំហំ ៩.៧ អីុញតម្លៃ៤៣៣ដុល្លារ និង iPad Mini 3 ទំហំ ៧.៩អីុញតម្លៃ៣៤៦ដុល្លារ ។

ផលិតផលទាំងពីរ ប្រភេទកំពុងទទួល បានការគាំទ្រពី អតិថិជនក្នុងទីផ្សារបណ្តា ប្រទេសមួយចំនួន លើពិភពលោក ៕

ដកស្រង់ពី ៖ កោះសន្ដិភាព