ក្រោយ «Snowdrop» ចប់ជាស្ថាពរ Jung Hae In និង Jisoo ប្រញាប់ដាក់ពិន្ទុភ្លាម ខ្លាចចាញ់ Fan

Details

Category: Other News

នៅថ្ងៃទី ៣០ ខែមករា ឆ្នាំ២០២២ រឿងភាគមានចំណងជើងថា «Snowdrop» របស់ Jisoo (BLACKPINK) និង Jung Hae In បានបញ្ចប់ការបញ្ចាំងដោយជោគជ័យលើទូរទស្សន៍ JTBC។

ជាការអបអរភាគបញ្ចប់ Jisoo បានបង្ហោះ Story លើ Instagram ដោយបានសរសរថា៖ «100 ពិន្ទុ...Set ដ៏រីករាយមួយដែលគ្រប់គ្នាបានធ្វើរួមគ្នា #Snowdrop»។ មិនខុសពី Jisoo ទេ ងាកមកតួឯកប្រុស Jung Hae In វិញក៏បានបង្ហាញរូបភាពមួយសន្លឹក ជាមួយនឹង Caption សញ្ញា ១០០ពិន្ទុ និងដៃសំពះ បញ្ជាក់អត្ថន័យគ្រប់គ្រាន់នូវសេចក្ដីពេញចិត្តនឹងការងារដែលខ្លួនបានសម្រេច។

គេនៅចាំមិនភ្លេចទេថា ក្នុងការផលិតរឿងនេះ ក្រុមការងាររឿងទាំងមូលបានជួបប្រទះនូវឧបសគ្គជាច្រើន ពិសេសដោយសារសាច់រឿងបានពាក់ព័ន្ធនឹងបញ្ហាប្រវត្តិសាស្ត្រនយោបាយ ដូច្នេះវាក្លាយជាការប្រឆាំង និងមានការរិះគន់គួរសមពីសំណាក់ជនជាតិកូរ៉េ។

ប៉ុន្តែផ្អែកលើការព្យាយាម ក៏ដូចជាជម្នះនូវបញ្ហាទាំងអស់ «Snowdrop» ដែលមាន Jung Hae In និង Jisoo សម្ដែងជាតួឯក បែរទទួលបានការសាទរ និងគាំទ្រកាន់តែច្រើនលើសលប់មិនគួរឲ្យជឿ រហូតដល់ភាគបញ្ចប់៕

ដកស្រង់ពី៖Sabay