ថ្ងៃ១៤ កុម្ភៈ ឆ្នាំនេះ សុគន្ធកញ្ញា បង្ហាញក្ដីស្រឡាញ់ទៅអ្នកគ្រប់គ្នាដោយប្រើឈុតរៀបការផ្ទាល់ខ្លួន

Details

Category: Other News

តារាចម្រៀងស្រីជួរមុខរបស់ផលិតកម្មរស្មីហង្សមាស ឱក សុគន្ធកញ្ញា គ្រោងចេញចម្រៀង១បទ នៅចំថ្ងៃ១៤ កុម្ភៈ ពោលគឺចំថ្ងៃទិវា នៃក្ដីស្រឡាញ់។ មិនទាន់បញ្ចេញចំណងជើង ប៉ុន្ដែតារាស្រីរូបនេះ បញ្ជាក់ថា នៅក្នុងបទនោះ នាងស្លៀករ៉ូបមង្គលការផ្ទាល់ខ្លួន ដើម្បីច្រៀងក្នុងនេះ។

អ្នកនាង ឱក សុគន្ធកញ្ញា បានបង្ហោះរូបថតក្នុងរ៉ូបពណ៌សដ៏ស្រស់ស្អាតមួយសន្លឹក ដោយមានភ្ជាប់សារតាមបណ្ដាញសង្គមនៅរសៀលថ្ងៃទី៩ ខែកុម្ភៈ ថា អ្នកនាងនឹងបញ្ចេញបទចម្រៀង១បទជាមួយរូ៉បជាទីស្រឡាញ់របស់នាងនៅក្នុងបទចម្រៀង បង្ហាញពីក្តីស្រឡាញ់ ទៅកាន់មនុស្សជាទីស្រឡាញ់ ក្រុមគ្រួសារ មិត្តភក្ដិ បងប្អូន ដើម្បីបញ្ជាក់ពីការយកចិត្តទុកដាក់ ព្រួយបារម្ភពីគ្នា ផ្តល់ភាពសំខាន់រវាងគ្នានឹងគ្នា។ ឱក សុគន្ធកញ្ញា៖ “រំលឹកអនុស្សាវរីយ៍ ជាមួយឈុតរ៉ូបមង្គលការរបស់នាងខ្ញុំផ្ទាល់”។

តារាចម្រៀងវ័យជ្រេ ត្រូវជាប្អូនថ្លៃថៅកែហង្សមាសរូបនេះ បញ្ជាក់ថា ចង់ដឹងថាអត្ថន័យយ៉ាងណានោះកុំភ្លេចតាមដានរាល់ការផុស ពីខាងផលិតកម្ម រស្មីហង្សមាស Rasmey Hang Meas ក្នុងពេលឆាប់ៗនេះ៕

ដកស្រង់ពី៖Sabay