Xperia Z5 Compact ​ទូរស័ព្ទ​​​តូច​ច្រឡឹង​ដែល​មាន​​សមត្ថភាព​​មិន​ធម្មតា​​មក​ដល់​កម្ពុជាហើយ

Details

Category: Other News

Sony បានប្រកាសស៊េរីទូរស័ព្ទ Xperia Z5 ដែលមានបីប្រភេទខុសៗ គ្នាស្របទៅតាម តម្រូវការអ្នកប្រើប្រាស់។ នៅក្នុងចំណោមនោះ គេឃើញមានទូរស័ព្ទ Xperia Z5 Compact ខុសប្លែកពីគេ គឺវាមានទំហំតូចងាយ ស្រួលកាន់ក្នុងដៃ។

ត្បិតថា Z5 Compact មានទំហំតូចក៏ ពិតមែនប៉ុន្តែ សមត្ថភាពរបស់វា មិនចាញ់ស៊េរី Z5 ដទៃទៀតឡើយ ជាពិសេសគឺ កាមេរ៉ាតែម្ដង។ ក្រុមហ៊ុន Sony បានប្រើប្រាស់ Sensor IMX300 ដូចគ្នានឹងស៊េរី Z5 ដទៃទៀត លើកាមេរ៉ាទំហំ២៣MP របស់ Z5 Compact នេះ។ Z5 Compact អាចផ្ដិតយករូបភាពនិងវីដេអូបានច្បាស់និងមុតល្អ ដោយសារតែមុខងារ Auto-Focus ដែលមានល្បឿនលឿនត្រឹមតែ០,០៣វិនាទី។

ក្រៅពីកាមេរ៉ា កំពូលនេះហើយ Z5 Compact ក៏មានបំពាក់នូវ Processor របស់ Qualcomm Snapdragon 810 ដែលមានល្បឿនលឿន រួមទាំងមាន RAM ទំហំ២GB និងមានរន្ធ SD Card ដើម្បីបន្ថែមអង្គចងចាំដល់២០០GB។ ចំពោះអេក្រង់ របស់វាមានទំហំ៤,៦អ៊ីញកម្រិត HD បង្ហាញរូបភាពបាន ដូចធម្មជាតិ និងមានទម្ងន់ សរុបត្រឹមតែ១៣៨ ក្រាមប៉ុណ្ណោះ។ កាមេរ៉ាខាងមុខទំហំ៥MP ជួយឲ្យការថតរូប Selfie កាន់តែមាន ភាពស្រស់ស្អាត។

ជាមួយថ្មទំហំ២៧០០mAh អាចឲ្យទូរស័ព្ទនេះ ប្រើប្រាស់បាន រយៈពេល២ថ្ងៃ ព្រមទាំងមានមុខងារ ស្កេនក្រយៅដៃ នៅផ្នែកខាងស្ដាំ ទូរស័ព្ទអាចធ្វើការ ដោះសោបានយ៉ាងលឿន។ ទូរស័ព្ទនេះក៏អាចធន់នឹងទឹក រួមទាំងធូលីដីក្នុងកម្រិតស្តង់ដារ IP 65/68។

គួរបញ្ជាក់ថា ទូរស័ព្ទ Z5 Compact ដ៏តូចច្រឡឹង នេះមានដាក់លក់ នៅលើទីផ្សារកម្ពុជាហើយ ដោយលោកអ្នក អាចរកជាវបាននៅ តាមហាងលក់ ទូរស័ព្ទសុខលី, ហាក់សែ, Nojima, នីកា និងហាងលក់ ទូរស័ព្ទដៃទំនើប៕

ដកស្រង់ពី៖ Sabay