ព័ត៌មាន
Radio Live
Social Network
បុណ្យខួប១០០ថ្ងៃ កវី គង្គ ប៊ុនឈឿន ថ្ងៃស្អែកនេះ
- Details
- Category: Other News
នៅថ្ងៃទី២៧ ខែ កក្កដាស្អែកនេះ ក្រុមគ្រួសារ នឹងរៀបចំពិធីបុណ្យ គម្រប់១០០ថ្ងៃ ជូន កវី គង្គ ប៊ុនឈឿន នៅគេហដ្ឋានឯកឧត្តម មុត ថារី ដែលត្រូវជា កូនប្រសាក្នុងបុរីវិមានភ្នំពេញ ផ្ទះលេខ ៩១D ផ្លូវលេខ ៣៥២A ។
កវី គង្គ ប៊ុនឈឿន បានទទួលមរណភាព កាលថ្ងៃទី១៧ ខែមេសា ឆ្នាំ ២០១៦ ក្នុងប្រទេស ន័រវេ ហើយអដ្ឋិធាតុ ត្រូវបាន ក្រុមគ្រួសារ នាំយកមកប្រទេស កំណើត កាលពីថ្ងៃ សៅរ៍ទី២១ ឧសភា ឆ្នាំ ២០១៦ កន្លងទៅ។
បច្ចុប្បន្ន កំពុងតែតម្កល់ នៅផ្ទះ ឯកឧត្ដម មុត ថារី ដែលត្រូវជា កូនប្រសា ក្នុងបុរីវិមានភ្នំពេញ។ តាមការឲ្យដឹងពី ឯកឧត្ដម មុត ថារី ពិធីបុណ្យ ១០០ថ្ងៃ ស្អែកនេះ ក្រុមគ្រួសារ បានអញ្ជើញភ្ញៀវជាង៤០តុ។ក្រោយពីបុណ្យចប់ អដ្ឋិធាតុរបស់លោក នឹងត្រូវយកតម្កល់នៅទីណា ឧត្ដម មុត ថារី មិនទាន់បញ្ជាក់ឲ្យដឹងឡើយ៕
ដកស្រង់ពី៖ Sabay