ភរិយាប្រធានាធិបតីហ្វីលីពីន ស្លៀកពាក់ក្រណាត់ប្រពៃណីខ្មែរ ឈរទទួលភ្លៀវក្នុងកិច្ចប្រជុំកំពូលលើកទី៥ នៅទីក្រុងម៉ានីល

Details

Category: Other News

(ភ្នំពេញ)៖ លោកស្រី Honeylet Avanceña ភរិយារបស់ប្រធានាធិបតីហ្វីលីពីន បានស្លៀកពាក់ក្រណាត់ប្រពៃណីខ្មែរ  ឈរទទួលភ្លៀវក្នុងកិច្ចប្រជុំកំពូលអាស៊ាន នៅទីក្រុងម៉ានីល ដែលក្រណាត់ទាំងនេះ ត្រូវបានលោកស្រីទិញ ពេលធ្វើដំណើរមកជាមួយស្វាមី ដើម្បីបំពេញទស្សនកិច្ចជាផ្លូវការនៅកម្ពុជា នាពេលកន្លងទៅ។

ក្រណាត់ទាំងនេះ ត្រូវបានលោកស្រីទិញពីហាងមួយមានឈ្មោះ «សម្បត្តិនារីខ្មែរ» របស់កម្ពុជា រួចគាត់យកទៅច្នៃម៉ូត និងពាក់ទទួលស្វាគមន៍ប្រមុខដឹកនាំអាស៊ាន និងពិភពលោកនាឱកាស កិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនៅទីក្រុងម៉ានីល ប្រទេសហ្វីលីពីន នាពីថ្ងៃទី១២ ខែវិច្ឆិកា ឆ្នាំ២០១៧កន្លងទៅថ្មីៗនេះ។

តាមការលើកឡើងរបស់ម្ចាស់ហាង «សម្បត្តិនារីខ្មែរ» បានឲ្យដឹងថា ក្រណាត់ដែលគាត់បានលក់ជូនលោកស្រីភរិយាប្រធានាធិបតីហ្វីលីននោះ គឺជាក្រណាត់សូត្រខ្មែរ ពិតៗ និងមានសម្រស់ជាស្ត្រី សុភាពរៀបសារជារបស់ខ្មែរ និងជាស្នាដៃផលិតរបស់ខ្មែរ។

ថែមទៀតនេះមានន័យ បរទេសបានឲ្យតម្លៃស្នាដៃខ្មែរ និងចាត់ខ្មែរជាជនជាតិមានវប្បធម៌អរិយ្យធម៌ ដ៏ល្អប្រពៃ ដូចនេះយើងជាកូនខ្មែរត្រូវតែថែរក្សាតម្លៃឲ្យបានគង់វង្សទាំងអស់គ្នា៕

ដកស្រង់ពី៖ Fresh News