លេច​ធ្លាយ​រូបភាព Homescreen របស់ Sony Xperia XZ4 ជា​លើក​ដំបូង!

Details

Category: Other News

ចាប់តាំងពីចុងឆ្នាំ 2018 មក យើងក៏បានដឹងមកហើយ អំពីពាក្យចចាមអារ៉ាម នៃស្មាតហ្វូនជំនាន់ថ្មី របស់

ក្រុមហ៊ុន Sony គឺ Xperia XZ4 ដែលនឹងក្លាយជា ស្មាតហ្វូនដំបូងគេបង្អស់ បំពាក់ដោយអេក្រង់ប្រភេទ 21:9 aspect ratio ធ្វើឲ្យស្មាតហ្វូនមួយនេះ ទទូលបានកំពស់ខ្ពស់ ជាងស្មាតហ្វូនដទៃទៀត។ មកដល់ ពេលឥឡូវនេះ ក៏ត្រូវបានគេប្រទះ ឃើញរូបភាព screenshot មួយលេចឡើង ទៅលើអ៊ីនធឺណិត ដែល ជឿជាក់ថា ត្រូវបានថតដោយ Sony Xperia XZ4 នេះតែម្ដង។

ចំពោះរូបភាពមួយសន្លឹកនេះ គឺពិតជាមានទំហំ 21:9 aspect ratio ពិតមែន ហើយក៏ឃើញមានរូប តំណាង Icon ជារបស់ក្រុមហ៊ុន Sony ថែមទាំងមាន របាបញ្ជារបស់ Android 9.0 Pie នៅផ្នែក ខាងក្រោមផងដែរ។ លើសពីនេះទៅទៀត យើងក៏ប្រទះឃើញ មានបន្ទាត់មួយខ្សែ នៅផ្នែកខាងស្ដាំ ដែលមើលទៅ គឺជាមុខងារ Side Sense ដូចមាននៅលើ Xperia XZ3 អញ្ចឹងដែរ ដោយអនុញ្ញាតឲ្យលោកអ្នក ចុចពីលើពីរដង ដើម្បីបើកកម្មវិធី AI ផ្សេងៗថែមទៀតផង។ បន្ទាប់ពីរូបភាព Screenshot នេះ លេចធ្លាយចេញក្រៅ ក៏មាន អ្នក យករូបភាពនេះ ទៅកាត់តបញ្ចូលទៅ រូបភាព Renders ពីមុនៗ ដើម្បីដាក់បង្ហាញ រូបរាង រប ស់ ស្មាត ហ្វូន Xperia XZ4 ឲ្យកាន់តែច្បាស់ផងដែរ។ ក្រុមហ៊ុន Sony រៀបចំព្រឹត្តិការណ៍ MWC នៅក្នុងថ្ងែទី 25 ខែ កុម្ភៈ ឆ្នាំ 2019 ខាងមុខនេះ ដូច្នេះស្មាតហ្វូន Xperia XZ4 មួយនេះ អាចនឹងត្រូវបានដាក់បង្ហាញ ជាផ្លូវការ ក្នុងថ្ងែនោះផងដែរ។

សរុបមក រូបភាព Screenshot មួយនេះ ត្រូវបានមនុស្យជាច្រើនសន្មត់ថា ពិតជារបស់ស្មាតហ្វូន Xperia XZ4 មែនហើយ ដូច្នេះរន្ធបញ្ចេញសម្លេង Stereo នៅខាងលើផ្ទៃអេក្រង់ ដែលមាននៅក្នុង Xperia XZ3 ប្រហែលជាអាចក្រុមហ៊ុន Sony ដកចេញក៏ថាបាន ហើយនឹងប្ដូរ ទៅផ្នែកខាងក្រោមវិញ ដើម្បីឲ្យ ទទួល បាន រូបរាងស្មាតហ្វូនអេក្រង់លាត ផងដែរ។

ដកស្រង់ចេញពីhttp://cambo-report.com/article/15164