AMD នឹង​បញ្ចេញ​ក្រាហ្វិច​កាត 4 ម៉ូឌែល​ផ្សេង​ទៀត​នៅ​ពាក់​កណ្ដាល​ឆ្នាំ 2019 នេះ

Details

Category: Other News

AMD កាលពីព្រឹត្តិការណ៍ CES 2019 កន្លងទៅបានប្រកាសចេញជាផ្លូវការនូវក្រាហ្វិចកាតជំនាន់ថ្មីរបស់ខ្លួន

ដែលឲ្យ ឈ្មោះថា  Radeon Vega 7 ជាមួយកម្លាំងប្រហាក់ប្រហែលទៅនឹង RTX 2080 របស់ nVIDIA តែ ក្រាហ្វិចកាតមួយនេះ មិនមែនជាអ្វីដែលមហាជន ឬអតិថិជនរបស់ AMD គ្រប់គ្នារង់ចាំនោះទេ ដោយ សារតែតម្លៃរបស់វារាងថ្លៃបន្តិច ហើយនៅតែបន្តប្រើប្រាស់ Architecture ដដែល។ យ៉ាងណាក៏ដោយ AMD នៅមិនទាន់បញ្ឈប់ត្រឹមនេះនោះទេ គឺនៅមានផលិតផលជំនាន់ ថ្មីចេញ បន្ថែម ទៀត ដោយក្នុង នោះ ក្រាហ្វិចកាតជំនាន់ថ្មី 4 ស៊េរី អាចត្រៀមបង្ហាញខ្លួននាពាក់កណ្ដាលឆ្នាំ 2019 នេះ ជាអ្វីដែល Gamer ភាគច្រើនកំពុងទន្ទឹមរង់ចាំ។

ក្រាហ្វិចកាតទាំង 4 ស៊េរីនេះ នឹងប្រើប្រាស់ Architecture ជំនាន់ថ្មីឈ្មោះថា Navi ហើយប្រភព ព័ត៌មាន អន្តរជាតិ បានប្រទះឃើញនូវរូបភាពបែកធ្លាយតាមរយៈកូដ (Source Code) ដូចរូបភាពខាងក្រោម ដោយ បង្ហាញឲ្យឃើញនូវ GPU Navi ថ្មីៗចំនួន 4 ស៊េរី រួមមានដូចជា៖

•    Navi 16

•    Navi 12

•    Navi 10

•    និង Navi 9

បើយោងតាមប្រភពព័ត៌មានបានឲ្យដឹងទៀតថា ការបែកធ្លាយ Source Code ខាងក្រោម គឺនៅ មិន ទាន់ ច្បាស់ការប៉ុន្មាននោះទេ ដោយសារតែវាគឺជាលើកទីមួយ ហើយ AMD អាចនឹងចេញតែ 3 ក្រា ហ្វិ ចកាត ប៉ុណ្ណោះ ជាមួយនឹងតម្លៃលក់ក្រោម USD 300 តែបែជា Source Code ខាងលើ លេច ចេញ ដល់ទៅ 4 ស៊េរីទៅវិញ ដោយរាប់ចាប់ពីកម្លាំងខ្លាំង រហូតដល់កម្លាំងខ្សោយជាងគេ សម្រាប់កា រលេង ហ្គេ ម កីឡា Esports។

ខាងក្រោមនេះគឺជាលក្ខណៈសម្បត្តិខ្លះៗ ដែលយើងទទួលបានពី AMD Navi៖

សម្រាប់ដំណឹងនេះ វាអាចកើតមានឡើងពិតមែន ខណៈពេលដែល AMD បានសន្យាហើយថា នៅមាន ផលិតផលជំនាន់ថ្មីបន្ថែមទៀតត្រៀមនឹងមកដល់ តែសម្រាប់កាលបរិច្ឆេទពិតប្រាកដនៅមិន ទាន់លាតត្រ ដាង ឲ្យដឹង នៅឡើយទេ តែខេមបូរីផត ជឿជាក់ថា NAVI នឹងត្រៀមបង្ហាញខ្លួននៅពាក់កណ្ដាលឆ្នាំ 2019 នេះមែន ជាមួយនឹងតម្លៃប្រកួតប្រជែងខ្ពស់ តែកម្លាំងជាក់ស្ដែងគឺមិនអាចស៊ីដាច់ស៊េរី RTX របស់ nVIDIA ឡើយ។

ដកស្រង់ចេញពីhttp://cambo-report.com/article/15174